ايماقتار • 25 تامىز، 2021

شىمكەنتتە سالىقتى باقىلاۋ ءبولىمىنىڭ باسشىسى سوتتالدى

31 رەت كورسەتىلدى

شىمكەنتتە سالىقتى باقىلاۋ ءبولىمىنىڭ باسشىسى الاياقتىق ارەكەتى ءۇشىن سوتتالدى. ءال-فارابي اۋداندىق سوتى مەملەكەتتىك قىزمەتشىگە قاتىستى ۇكىم شىعاردى، دەپ جازادى Egemen.kz.

انىقتالعانداي، ول ارىپتەسىنە «سوڭىنا سىبايلاس جەمقورلىققا قارسى قىزمەت وكىلدەرى ءتۇستى» دەپ الداپ، 5 ملن تەڭگە بەرسە ماسەلەنى شەشەتىنىن ايتقان. سونداي-اق الداعى ۋاقىتتا قامقور بولىپ، قاناتىنىڭ استىنا الاتىنىن جەتكىزگەن. الايدا ارىپتەسى بىردەن جەمقورلىقپەن كۇرەس قىزمەتىنە حابارلاسىپ، ءمان-جايدى تۇسىندىرەدى. سوتتا پروكۋرورلار الاياقتىق ارەكەت جاساعان ءبولىم باسشىسىن 6 جىل 6 ايعا باس بوستاندىعىنان ايىرۋدى سۇرادى. بىراق،  سوت 150 ملن تەڭگە ايىپپۇل سالدى. ول  ەندى ءومىر بويى مەملەكەتتىك ورگانداردا جۇمىس ىستەي المايدى.

«سوت قىلمىستىق ءىستىڭ بارلىق ماتەريالدارىن زەرتتەي كەلە ونىڭ كامەلەت جاسىنا تولماعان ءتورت بالاسىنىڭ بار ەكەنىن ەسكەرە وتىرىپ، 150 ملن تەڭگە كولەمىندە، ايىپپۇل تۇرىندەگى جازا تاعايىندادى. سونداي-اق سوت بۇل سومانى وتەۋ ءۇشىن وعان ءۇش ايعا دەيىن ۋاقىت بەردى»، دەدى ءال-فارابي اۋداندىق سوتىنىڭ ءسۋدياسى سابيت تورەحانوۆ.




سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار