عىلىم • 25 تامىز، 2021

قازاقستان مەن رەسەي عىلىم مەن ينوۆاتسياداعى ىنتىماقتاستىقتى تالقىلادى

30 رەت كورسەتىلدى

قازاقستاننىڭ رەسەيدەگى ەلشىسى ەرمەك كوشەرباەۆ رەسەي عىلىم اكادەمياسىنىڭ (رعا) پرەزيدەنتى اكادەميك الەكساندر سەرگەەۆپەن كەزدەستى، دەپ جازادى Egemen.kz.

كەزدەسۋدە ەكى ەلدەگى عىلىمدى دامىتۋدىڭ وزەكتى ماسەلەلەرى مەن عىلىم، جوعارى تەحنولوگيالار جانە يننوۆاتسيالار سالاسىنداعى ىنتىماقتاستىقتىڭ دامۋ باعىتتارى تالقىلاندى.

«كوبىنەسە جاساندى ينتەللەكت پەن اقپاراتتىق قاۋىپسىزدىكتى دامىتۋعا قاتىستى ماسەلەلەر قوزعالدى. ە. كوشەرباەۆ بۇل سالاداعى ىنتىماقتاستىق ەكى ەلدىڭ كوشباسشىسى قاسىم-جومارت توقاەۆ پەن ۆلاديمير ءپۋتيننىڭ 2020 جىلدىڭ جەلتوقسانىندا جاساندى ينتەللەكت جانە دەرەكتەردى تالداۋ بويىنشا، جاساندى ينتەللەكت ساياحاتىنىڭ «Artificial Intelligence Journey» ونلاين-كونفەرەنتسياسى كەزىندە جاساعان مالىمدەمەلەرى تۇرعىسىنان وتە ماڭىزدى ەكەنىن باسا ايتتى»، دەپ جازادى ءسىم ءباسپاسوز قىزمەتى.

كەزدەسۋگە قاتىسۋشىلار گەولوگيالىق زەرتتەۋلەر سالاسىنداعى ءوزارا قىزىعۋشىلىقتى، ىرگەلى عىلىمدى دامىتۋدىڭ نەگىزگى باعىتتارى تۋرالى عىلىمي مالىمەتتەرمەن ۇنەمى الماسۋدى، ەكونوميكانىڭ جانە بيزنەستىڭ ءار ءتۇرلى سالالارىنا عىلىمدى ەنگىزۋدى، سونداي-اق، جاھاندىق كيبەركەڭىستىكتە قابىلدانعان ەرەجەلەر مەن مىندەتتەمەلەردى قابىلداۋدا ىنتىماقتاستىق قاجەت ەكەنىن اتاپ ءوتتى.

تاراپتار تۇراقتى بايلانىستى جالعاستىرۋ تۋرالى كەلىسىمگە كەلدى.

قىركۇيەك ايىنىڭ باسىندا ۆلاديۆوستوك قالاسىندا شىعىس ەكونوميكالىق فورۋمى بولادى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار