كورمەدە قازاقستاندى, ونىڭ مادەنيەتىن, حالقى, تابيعاتى, ساۋلەتى, ۇلتتىق تاعامدارى جانە ت.ب. كەسكىندەيتىن فوتوسۋرەتتەر ۇسىنىلعان. سونىمەن قاتار كەلۋشىلەرگە سەمەي يادرولىق پوليگونىنىڭ جابىلۋ تاريحى مەن قازاقستاننىڭ يادرولىق قارۋدى تاراتپاۋ جونىندە الەمدىك ارەناداعى كۇش-جىگەرى تۋرالى ماتەريالدار كورسەتىلدى.
كورمەگە كەلۋشىلەرگە تاۋەلسىزدىكتىڭ 30 جىلىندا قازاقستاننىڭ جەتكەن جەتىستىكتەرى, ەلىمىزدىڭ الەمدىك ارەناداعى ءرولى مەن مارتەبەسى, سونداي-اق سەمەي يادرولىق پوليگونى, «نەۆادا-سەمەي» حالىقتىق قوزعالىسى مەن جابىلۋ تۋرالى شەشىمى تۋرالى باياندالدى.
كورمەنىڭ اشىلۋىنا ودەسسانىڭ مادەنيەت سالاسى, قوعام جانە ىسكەر توپتارىنىڭ وكىلدەرى قاتىستى, ولار ءىس-شارانى ۇلكەن قىزىعۋشىلىقپەن قابىلدادى.
كورمەنى قازاقستاننىڭ ۋكرايناداعى ەلشىلىگىنىڭ كومەگىمەن ودەسساداعى قر قۇرمەتتى كونسۋلدىعى ۇيىمداستىردى. فوتوماتەريالداردى «قازاقپارات» حاا ۇسىندى.
«وسىنداي فوتوكورمەلەردى, سونداي-اق ۋكراينانىڭ حاركوۆ پەن لۆوۆ قالالارىندا دا وتكىزۋ جوسپارلانىپ وتىر», دەپ جازادى ءسىم ءباسپاسوز قىزمەتى.
