باسقارما باسشىسىنىڭ ايتۋىنشا, جىل سوڭىنا دەيىن 48 الەۋمەتتىك نىساننىڭ قۇرىلىسىن اياقتاۋ جوسپاردا. ونىڭ ىشىندە 38 نىساننىڭ قۇرىلىسى ءجۇرىپ جاتىر, ال 10 مەكتەپتە سەيسميكالىق توزىمدىلىك جۇمىستارى جۇرگىزىلۋدە.
«قازىرگى ۋاقىتتا 12 600 وقۋشىعا ارنالعان سەگىز مەكتەپتىڭ, 17 مەكتەپكە ارنالعان قوسالقى عيماراتتار مەن №7 قالالىق اۋرۋحانانىڭ قۇرىلىسى ءجۇرىپ جاتىر. كىشى الماتى وزەنىنىڭ جاعالاۋىن جانە جامبىل كوشەسىن دوستىق داڭعىلىنان ناۋرىزباي باتىر كوشەسىنە دەيىن رەكونسترۋكتسيالاۋ اياقتالۋعا جاقىن», دەدى سپيكەر.
№7, 40, 45, 54 مەكتەپتەر مەن №16, 114, 116, 141 بوبەكجاي-بالاباقشالارىنىڭ عيماراتتارىن جوندەۋ جۇمىستارى مەن سەيسميكالىق نىعايتۋ جۇمىستارى جۇرگىزىلۋدە. سپيكەردىڭ ايتۋىنشا, الماتىداعى بارلىق جاڭا مەكتەپتەردى سالۋدا الەمدىك ستاندارتتار جانە سوڭعى جەتىستىكتەر ەسكەرىلەدى.
