بوكس • 24 تامىز، 2021

قازاقستاندىق بوكسشى وليمپياداداعى مىنەز-قۇلقى ءۇشىن سىنعا ۇشىرادى

441 رەت كورسەتىلدى

ەڭبەك سىڭىرگەن قازاقستاندىق جاتتىقتىرۋشى جۇمابەك ومىرزاقوۆ Lifesport KZ Youtube-ارناسىنا بەرگەن سۇحباتىندا بوكسشى زاكير ءسافيۋلليننىڭ توكيو وليمپياداسىندا كورسەتكەن جات قىلىعىنا كوڭىلى تولمايتىنىن ايتتى، دەپ حابارلايدى Egemen.kz Sports.kz-كە سىلتەمە جاساپ.

«وليمپيادا ويىندارىندا سپورتشىعا ءتان ەمەس مىنەز-ق ۇلىق كورسەتۋ ارتىق بولدى. بۇدان ءبىزدىڭ باسقا دا بوكسشىلارىمىز، ءتىپتى بوكس فەدەراتسياسى دا زارداپ شەگۋى مۇمكىن. وليمپيادا كوميتەتى بۇل ماسەلە جونىندە ءتيىستى قورىتىندى جاسايدى دەپ ويلايمىن. ولاي جاساۋعا بولمايدى. ۇتىلىپ بارا جاتساڭ، دۇرىس ۇتىلا ءبىلۋ كەرەك»، دەيدى ومىرزاقوۆ.

ەسكە سالا كەتسەك، زاكير سافيۋللين 2020 جىلعى وليمپيادانىڭ شيرەك فينالىندا تورەشىلەردىڭ جەكە شەشىمىمەن اۆستراليالىق حارري گارسايدتان 2:3 ەسەبىمەن جەڭىلىپ، مەدالسىز قالدى. قازاقستاندىقتىڭ وليمپيادا تورەشىلەرىنە بەرگەن جاۋابىنىڭ ۆيدەوسى Instagram-دا جاريالاندى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار