«Astana LRT» كومپانياسىنىڭ قاشقىن باسشىسى ورنالاسقان مەملەكەت ونى قاماۋعا الۋعا وردەر بەردى. ەر ادامنىڭ ناقتى ورنالاسقان جەرىن شەتەلدىك بارلاۋ ورگاندارى بەلگىلەيدى.
بۇل رەتتە كۇدىكتىنىڭ قايدا جاسىرىنعانى وتاندىق سىبايلاس جەمقورلىققا قارسى قىزمەتتە ناقتىلانبادى. الايدا, ول شەتەلدە قاماۋعا الىنعاننان كەيىن بىردەن قازاقستانعا ەكستراديتسيالانۋى تالاپ ەتىلەتىنى بەلگىلى.
وتانعا قانات سۇلتانبەكوۆ تە ورالۋى مۇمكىن. كومپانيانىڭ قاشقىن باسشىسىنان ايىرماشىلىعى, ەلوردا اكىمىنىڭ بۇرىنعى ورىنباسارىنىڭ ورنالاسقان جەرى بەلگىلى. ول اقش-تا جاسىرىنعان.
ەسكە سالا كەتسەك, قانات سۇلتانبەكوۆ پەن تالعات اردانعا ەلوردالىق LRT قۇرىلىسى كەزىندە سىبايلاس جەمقورلىقتىڭ ۇيىمداستىرۋشىلارى بولدى دەگەن ايىپ تاعىلدى. سوت پروتسەسى باستالماي تۇرىپ, ەكەۋى دە ەلدەن قاشىپ ۇلگەردى. ينتەرپول جەلىسى بويىنشا ولار ەكى جىلعا جۋىق ۋاقىت بويى ىزدەۋدە بولدى. وسى ۋاقىت ىشىندە ءىستىڭ قالعان فيگۋرانتتارى ءار ءتۇرلى مەرزىمگە تۇرمەگە قامالىپ, قازىناعا 6 ميلليارد تەڭگەگە جۋىق قارجىنى قايتارۋ مىندەتتەلدى.
