ءىس-شارانى ش.ايمانوۆ اتىنداعى «قازاقفيلم» جانە يوردانيانىڭ كينەماتوگرافيا بويىنشا كورولدىك كوميسسياسىمەن بىرلەسىپ, قازاقستان رەسپۋبليكاسىنىڭ يوردانياداعى ەلشىلىگى ۇيىمداستىرعان.
كينوكورسەتىلىم اممان قالاسىنىڭ ەڭ كونە اۋداندارىنىڭ بىرىندە ورنالاسقان «كينو ۇيىندە» ءوتتى. قازاقستان ەلشىسى ايداربەك تۋماتوۆ قازاقستاندىق كينەماتوگرافياعا تانىتقان قىزىعۋشىلىعى ءۇشىن يوردانيالىقتارعا العىس ءبىلدىرىپ: «بۇل جوبا يوردانيالىقتاردىڭ قازاقستان حالقىمەن, ونىڭ تاريحى جانە مادەنيەتىمەن جاقىنىراق تانىسۋىنا مۇمكىندىك تۋعىزىپ, قازاقستان-يوردان مادەني-گۋمانيتارلىق ىنتىماقتاستىعىنىڭ ودان ءارى نىعايۋىنا سەپتىگىن تيگىزەدى», دەدى.
ءىس-شارا رەجيسسەر نۇرگەلدى سادىقۇلوۆتىڭ «بالۋان شولاق» كوركەم فيلمىنەن باستالدى. اقان ساتاەۆتىڭ «جاۋجۇرەك مىڭ بالا» كينوكارتيناسى دا ۇسىنىلدى.
ايتا كەتەيىك, فيلمدەر تۇپنۇسقا ۇلگىسىندە, اعىلشىن تىلىندەگى سۋبتيترلەرىمەن كورسەتىلگەن. كينو كۇندەرىنە ديپلوماتيالىق كورپۋس, باق وكىلدەرى, قوعام قايراتكەرلەرى سونداي-اق يوردانيا استاناسىنىڭ تۇرعىندارى قاتىستى.
