ونەر • 24 تامىز، 2021

قوبىز سۇيەمەلدەگەن Stranger

68 رەت كورسەتىلدى

الەمگە تانىمال ءانشى ديماش قۇداي­بەر­گەن كورەر­مەنگە ءوزىنىڭ Stranger («بەي­تانىس») اتتى ءانىن تا­نىس­­تىردى. 19 تا­مىزدا سوچيدەگى وليم­پيا­دالىق پاركتىڭ New Wave Hall ساحناسىندا العاش رەت ورىندالعان ءان قوبىزبەن سۇيەمەلدەنىپ، كوپشىلىكتى تاڭعالدىردى. ەجەلگى قازاق اسپابى يگور كرۋتوي مەن ديماش قۇداي­بەر­گەننىڭ جاڭا انىنە ايرىقشا رەڭك بەرگەندەي.

ءداستۇرلى قازاق مۋزىكاسىن دا­رىپ­تەۋگە ءاردايىم زور ىقىلاسپەن قارايتىن ءانشى بۇل جولى دا اعىلشىن تىلىندەگى زاماناۋي ءاندى قوبىز ۇنىمەن ۇيلەستىرىپ، جاڭالىق جاسادى. جاڭا كومپو­زي­تسيانىڭ مۋزىكاسىن ورىس كومپوزيتورى يگور كرۋتوي جازسا، ءماتىن اۆتورى – امەريكالىق اقىن شارون ۆون. نەگىزگى ارانجيروۆكامەن ديميتريس كونتوپۋلوس (گرەكيا) جانە ەرلان بەكچۋرين (قازاقستان) اينالىسقان.

ايتا كەتەيىك، جاڭا انگە قوبىز قوسۋ يدەياسى ديماشقا Stranger اۋەنىن العاش ەستىگەننەن كەيىن كەلگەن.

ء«بىز Stranger-دە قوبىز پار­تياسىن ورىنداۋعا تالانتتى دوسىمىز ولجاس قۇرمانبەكتى شاقىردىق، سەبەبى ول – كومپو­زيتسيانىڭ ەموتسياسى مەن سيپاتىن تولىق جەتكىزە الاتىن ۇزدىك قوبىزشى. ونىڭ ارقاسىندا ءان ەرەكشە جانە وزگەشە دىبىسقا يە بولدى. مەن قانداي دا ءبىر شە­تەل­دىك كوللابوراتسيادا قو­بىز­دىڭ دىبىستالۋىن ءاردايىم ار­مان­دايتىنمىن»، دەيدى ديماش.

جاڭا كومپوزيتسياعا حالىقتىق اسپاپتى قوسۋ تۋرالى شەشىم يگور كرۋتويعا بىردەن ۇناعان. ماەسترو Stranger جاڭا تۇستەرگە يە بولىپ، ودان دا قىزىقتى بولاتىنىنا سەنىپتى.

«ديماشتىڭ تالانتى، وراسان زور ۆوكالدىق مۇمكىندىكتەرى مەن كوپتەگەن حالىقارالىق اۋدي­تو­رياعا جۇمىس ىستەۋگە دەگەن ىنتاسى مەنى جاڭا ءان جازۋعا شابىتتاندىردى. شىنىمدى ايتسام، مەن بۇل كومپوزيتسيانى تاعى كىم ورىنداي الاتىنىن ەلەستەتە المايمىن»، دەدى يگور ياكوۆلەۆيچ.

ال قوبىز پارتياسىن ورىنداۋشى ولجاس قۇرمانبەك Stranger ءانى ەرەكشە ادەمى، وزىن­دىك شىعىستىق سيپاتقا يە بول­عانىن اتاپ ءوتتى. «وسىنداي ۇل­كەن ساحنادا جانە مىناداي جو­عارى دەڭگەيدەگى ءىس-شارادا قو­بىز­دى كورسەتۋ مارتەبەسىنە يە بولعانىما وتە قۋانىشتىمىن. جاقىندا بۇل وتە ادەمى قۇرال بۇكىل الەمگە تانىمال بولادى دەپ ۇمىتتەنەمىن جانە ءبىز ونى عا­لامشارىمىزدىڭ بارلىق بۇ­رىشىنان ەستيتىن بولامىز»، دەدى قوبىزشى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار