وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, وتكەن تاۋلىكتە 310 ادام قاۋىپتى ۆيرۋستى جۇقتىرعان. اتىراۋ قالاسىندا 187, ال جىلىوي اۋدانىنداعى تەڭىز كەن ورنىندا 60 ناۋقاس تىركەلگەن. وزگە ناۋقاستار 6 اۋداندا انىقتالعان.
«قازىر ءۇي جاعدايىندا ەمدەلۋ ءۇشىن 8 614 ادام ەم قابىلداۋدا. وڭىردەگى 3 012 ورىندىق ينفەكتسيالىق ستاتسيونارلاردا 1 674 ناۋقاس ەمدەلىپ جاتىر. ستاتسيونارلارداعى جۇكتەمە 55,6%-دى قۇرادى.
ال, ستاتسيونارلاردىڭ 114 توسەك-ورنى بار جانساقتاۋ بولىمىندە جاعدايى اۋىر 98 ناۋقاس وقشاۋلاندى. ونىڭ ىشىندە 11 پاتسيەنت وكپەنى جاساندى جەلدەتۋ اپپاراتىنا قوسىلعان. بۇل بولىمدەگى جۇكتەمە 86,8%-عا جەتتى», دەپ ءمالىم ەتتى باسقارمانىڭ ءباسپاسوز قىزمەتىنەن.
سونداي-اق, 21-22 تامىزدا 2 553 اتىراۋلىق كوروناۆيرۋس ينفەكتسياسىنا قارسى ۆاكتسينالاردىڭ I كومپونەنتىن سالدىرعان.
وسىلايشا, بيىلعى 1 اقپاننان بەرى 178 462 ادام ۆاكتسينالاردىڭ I كومپونەنتىن ەكتىرگەن. ۆاكتسينالاردىڭ II كومپونەنتىن سالدىرعانداردىڭ سانى 128 644 ادامدى قۇراپ وتىر.
