بۇل تۋرالى Krisha.kz سايتى مالىمەت تاراتتى.
اتالعان جوبا تابىسى جان باسىنا شاققاندا كۇنكورىس دەڭگەيىنەن تومەن جانە تۇرعىن-ءۇي كەزەگىندە تۇرعان جاندارعا ارنالعان. بيىل كۇنكورىس دەڭگەيى 34 302 تەڭگەنى قۇرايدى. ال كەزەكتە تۇرعاندار سانى - 185 ادام. جىل سايىن شامامەن 18 مىڭ ادام كەزەككە قوسىلىپ وتىرادى. بۇل ساناتتا كوپبالالى وتباسىلار, جەتىم بالالار, مۇگەدەك بالا باعىپ وتىرعان وتباسىلار جانە باسقا دا الەۋمەتتىك وسال توپتاعىلار بار.
الەۋمەتتىك جاعدايى تومەن جانۇيالارعا بەرىلەتىن تۇرعىن ءۇيدى جەكەمەنشىك قۇرىلىس كومپانيالار سالادى. ولار پاتەرلەردىڭ تەڭ جارتىسىن تۇرعىن ءۇي قۇرىلىسىنىڭ بىرىڭعاي وپەراتورىنا تابىستاۋى ءتيىس. وپەراتور پاتەرلەردى «وتباسى بانكىندە» كەزەكتە تۇرعاندارعا بەرەدى. قالعان پاتەرلەر نارىققا شىعارىلادى.
مۇنداي تۇرعىن ءۇيدى جالعا الۋ سوماسى ءالى انىقتالمادى, الايدا سۋبسيديا ءليميتى بەلگىلەندى.
1 شارشى مەتر ءۇشىن:
- الماتى قالاسىندا – 0,55 اەك-كە دەيىن (1 604 تەڭگە);
- الماتىنىڭ شەت جاعىندا – 0,45 اەك-كە دەيىن (1 313 تەڭگە);
- نۇر-سۇلتان مەن ونىڭ شەت جاعىندا – 0,5 اەك-كە دەيىن (1 459 تەڭگە);
- شىمكەنتتە – 0,45 اەك-كە دەيىن (1 313 تەڭگە);
- اقتوبە, اتىراۋ, اقتاۋ, تۇركىستان, قاراعاندى جانە قوستاناي وبلىستارىندا – 0,4 اەك-كە دەيىن (1 167 تەڭگە);
- باسقا وڭىرلەردە – 0,35 اەك-كە دەيىن (1 021 تەڭگە).
مىسالى, الماتى قالاسىندا اۋماعى 60 شارشى مەتر بولاتىن 2 بولمەلى پاتەردى جالعا الۋ ءۇشىن 96 240 تەڭگە كومەك رەتىندە بەرىلەدى. قالعانىن جالعا الۋشى ءوز قالتاسىنان تولەيدى.
قازاقستان بويىنشا تۇرعىن ءۇي كەزەگىندە 562 مىڭ ادام تۇر.
