وقيعا • 23 تامىز، 2021

دارىگەرلەر ءمايىتتىڭ التىن بۇيىمدارىن ۇرلاپ العان

733 رەت كورسەتىلدى

تەمىرتاۋ تۇرعىنى كوروناۆيرۋس جۇقتىرعانداردى ەمدەيتىن گوسپيتال قىزمەتكەرلەرىن قايتىس بولعان جۇبايىنىڭ التىن ساقيناسى مەن كۇمىس القاسىن ۇرلادى دەپ ايىپتاپ، پوليتسياعا ارىز بەردى، دەپ حابارلايدى Egemen.kz.

ارىز بەرۋشىنىڭ جۇبايى 23 شىلدەدە اباي كوشەسىندەگى كوروناۆيرۋس جۇقتىرعانداردى ەمدەيتىن گوسپيتالگە تۇسكەن. ال 6 تامىزدا ەر ادام وسى مەديتسينالىق مەكەمەنىڭ رەانيماتسياسىندا قايتىس بولعان. ايەل ءمايىتحانادا جۇبايىنىڭ زەرگەرلىك بۇيىمدارى جوعالعانىن بىلگەن. ول بۇل جاعدايدى قازبالاي باستاعاندا، مەديتسينالىق مەكەمە التىن ساقينانى قايتارىپ بەرگەن. ال، كۇمىس القانى سول كۇيىنشە الماعان. وسى وقيعادان كەيىن ول پوليتسياعا ارىز جازعان.

«دەرەك بويىنشا قر قىلمىستىق كودەكسىنىڭ 188-بابى «بوتەن م ۇلىكتى ۇرلاۋ» بويىنشا قىلمىستىق ءىس قوزعالدى. قازىرگى ۋاقىتتا پوليتسيا قىزمەتكەرلەرى بارلىق ءمان-جايدى انىقتاپ قاجەتتى شارالار جۇرگىزىپ جاتىر»، دەدى قاراعاندى وبلىسى پوليتسيا دەپارتامەنتى ءباسپاسوز قىزمەتىنىڭ باسشىسى باقىتجان قۇدياروۆ.

قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى دە جاعدايعا قاتىستى پىكىر ءبىلدىردى. ۆەدومستۆو دەرەك بويىنشا مەديتسينالىق مەكەمەدە قىزمەتتىك تەكسەرىس جۇرگىزىلىپ جاتقانىن ايتتى. ناتيجەسى قوسىمشا حابارلانادى.

 

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار