پرەزيدەنت • 22 تامىز، 2021

مەملەكەت باسشىسى «قايسار-2021» وقۋ-جاتتىعۋىنا باردى

134 رەت كورسەتىلدى

قازاقستان پرەزيدەنتى قاسىم-جومارت توقاەۆ - قارۋلى كۇشتەردىڭ جوعارعى باس قولباسشىسى الماتى وبلىسىنداعى قر ءىىم ۇلتتىق ۇلانى بولىمشەلەرىنىڭ جاۋىنگەرلىك جانە ادىستەمەلىك دايىندىق ورتالىعى بازاسىندا وتكەن «قايسار-2021» جەدەل-تاكتيكالىق وقۋ-جاتتىعۋىن تاماشالادى، دەپ حابارلايدى Egemen.kz اقورداعا سىلتەمە جاساپ.

مەملەكەت باسشىسىنا ارنايى بولىمشە قىزمەتكەرلەرىنىڭ كورسەتىلىمدەرى كورسەتىلدى. ءىس-شارا بارىسىندا قاسىم-جومارت توقاەۆ جاتتىعۋ جۇيەلەرىن، سكالودرومدى، وقۋ ورتالىعىنىڭ مۋلتيمەديالىق تيرلەرىن قاراپ شىقتى.

1

وقۋ-جاتتىعۋعا قاتىسۋشىلار الدىندا سويلەگەن سوزىندە جوعارعى باس قولباسشى قۇقىق قورعاۋ ورگاندارى قازاقستاننىڭ مىقتى مەملەكەت رەتىندە قالىپتاسۋىنا ەلەۋلى ۇلەس قوسىپ وتىرعانىن اتاپ ءوتتى.

«سىزدەردىڭ قاجىرلى قىزمەتتەرىڭىزدىڭ ارقاسىندا ءبىزدىڭ ەلىمىزدە قوعامدىق ءتارتىپ ورنادى. قىلمىسقا قارسى كۇرەس جانە ازاماتتاردىڭ قاۋىپسىزدىگىن قامتاماسىز ەتۋ - وتە قيىن ءىس. ءتارتىپ ساقشىلارى كەز-كەلگەن ۋاقىتتا قاۋىپ-قاتەردەن ارىلۋعا دايىن بولۋى كەرەك. بۇل ۇلكەن جاۋاپكەرشىلىك پەن جانقيارلىقتى قاجەت ەتەدى. پوليتسيا قىزمەتكەرلەرى ارقاشان قىراعىلىق پەن جوعارى دايىندىقتى ساقتاۋى كەرەك. سوندىقتان مۇنداي وقۋ-جاتتىعۋلار كاسىبي شەبەرلىكتى ارتتىرۋ ءۇشىن وتە ماڭىزدى»، دەدى قاسىم-جومارت توقاەۆ.

2

پرەزيدەنت قۇقىق قورعاۋ ورگاندارىنداعى قىزمەت جوعارى فيزيكالىق جانە پسيحولوگيالىق جۇكتەمەلەرمەن، كوبىنەسە ءومىر ءۇشىن ناقتى تاۋەكەلمەن بايلانىستى ەكەنىن ەرەكشە اتاپ ءوتتى.

«تاۋەلسىزدىك جىلدارى ىشكى ىستەر ورگاندارىنىڭ 802 قىزمەتكەرى مەن ۇلتتىق ۇلاننىڭ اسكەري قىزمەتشىلەرى ءوز مىندەتتەرىن ورىنداۋ كەزىندە قازا تاپتى. ولار سوڭىنا دەيىن انتىنا ادال بولدى. ولار تۋرالى ەستەلىك ماڭگىلىك بولادى. كورسەتكەن قايسارلىعى مەن باتىلدىعى ءۇشىن سىزدەردىڭ 1567 قىزمەتشىڭىز وردەندەر مەن مەدالدارمەن ماراپاتتالدى»، دەدى ول ءوز سوزىندە.

3

جوعارعى باس قولباسشى ءوز سوزىندە قۇقىق قورعاۋ قۇرىلىمدارىنىڭ شتاتتىق قۇرامىنىڭ الەۋمەتتىك پاكەتىن جاقسارتۋ ماسەلەلەرىنە توقتالىپ ءوتتى.

«الداعى ءۇش جىل ىشىندە ىشكى ىستەر ورگاندارى قىزمەتكەرلەرىنىڭ لاۋازىمدىق جالاقىسى ورتا ەسەپپەن 30%-عا ارتادى. بۇل ماقساتقا 100 ميلليارد تەڭگەدەن استام قارجى قاراستىرىلعان. ۇلتتىق ۇلاننىڭ اسكەري قىزمەتشىلەرىن اي سايىنعى اقشالاي قامتۋ كەزەڭ-كەزەڭىمەن ۇلعايۋدا. 2021-2023 جىلدارى وفيتسەرلەردە ول 70%-عا، ال كەلىسىمشارت بويىنشا اسكەري قىزمەتشىلەردە 60%-عا وسەدى. 2024 جىلدىڭ سوڭىنا دەيىن ارنايى ماقساتتاعى بولىمشەلەردە قىزمەت اتقاراتىن بارلىق كەلىسىمشارت جاساۋشىلارعا وفيتسەرلىك اتاق بەرىلەدى. جىل سايىن قوماقتى قاراجات تۇرعىن ۇيمەن قامتاماسىز ەتۋگە جۇمسالادى. بۇگىندە تۇرعىن ءۇي تولەمدەرىن الۋشىلار 24 مىڭ پوليتسيا قىزمەتكەرى جانە 13،5 مىڭنان استام اسكەري قىزمەتشى بولىپ تابىلادى. قوعامدىق ءتارتىپ پەن قاۋىپسىزدىكتى ساقتاۋدا تۇرعانداردى كەشەندى الەۋمەتتىك قولداۋ ارقاشان ءبىزدىڭ مەملەكەتىمىزدىڭ باسىمدىقتارىنىڭ ءبىرى بولادى»، دەدى پرەزيدەنت.

4

قاسىم-جومارت توقاەۆ وتكىزىلگەن جەدەل-تاكتيكالىق وقۋ-جاتتىعۋلاردىڭ قورىتىندىلارىن سارالاي وتىرىپ، ءىىم-ءنىڭ داعدارىستىق جاعدايلاردىڭ الدىن الۋ جانە جولىن كەسۋ جونىندەگى مىندەتتەردى ءتيىمدى شەشۋگە دايىندىعىن كورسەتكەنىن ەرەكشە اتاپ ءوتتى.

«حالىقارالىق جاعدايدىڭ شيەلەنىسۋى جاعدايىندا ءبىزدىڭ كۇش قۇرىلىمدارىمىز بارىنشا جۇمىلدىرىلۋى كەرەك. ءبىز اۋعانستانداعى جاعدايعا قاتىستى قوعامداعى الاڭداۋشىلىقتىڭ ارتقانىن كورىپ وتىرمىز. بۇل ەلدە بولىپ جاتقان وقيعالار قازاقستانعا تىكەلەي قاۋىپ توندىرمەيدى، بىراق، ءسوزسىز، بەلگىلى ءبىر قاۋىپ-قاتەرلەر تۋعىزادى. سوندىقتان ءبىز وسى جاعدايدىڭ دامۋىن مۇقيات قاداعالاپ، كەز كەلگەن سىن-قاتەرلەرگە لايىقتى جاۋاپ بەرۋگە دايىن بولۋىمىز كەرەك»، دەپ سانايدى جوعارعى باس قولباسشى.

5

قاسىم-جومارت توقاەۆ كۇش قۇرىلىمدارىنىڭ قىزمەتكەرلەرىنە ارناعان سوزىندە وسكەلەڭ ۇرپاقتىڭ ولارعا تەڭ كەلەتىنىن ەسكە سالدى.

«سىزدەر ءتارتىپ ساقشىلارىنىڭ قۇرمەتتى اتاعىنا ساي بولۋىڭىز كەرەك. سىزدەردىڭ جۇمىستارىڭىزعا ەڭ جوعارى باعا بەرۋ - بۇل حالىقتىڭ سەنىمى مەن العىسى. ىشكى ىستەر ورگاندارىنىڭ قىزمەتكەرلەرى بۇل سەنىمدى اقتايتىنىنا سەنىمدىمىن!»، دەپ تۇيىندەدى پرەزيدەنت.

ءىس-شارا بارىسىندا ىشكى ىستەر ءمينيسترى ەرلان تۇرعىمباەۆ جوعارعى باس قولباسشىعا ءىىم قىزمەتكەرلەرىنىڭ قوعامدىق قاۋىپسىزدىكتى قامتاماسىز ەتۋ جونىندەگى مىندەتتەردى ورىنداۋعا دايىندىعى تۋرالى بايانداپ، ارنايى اسكەري تەحنيكا مەن قارۋ-جاراق ۇلگىلەرىن تانىستىردى.

6

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار