اۆتوكولىك قۇرالدارىنىڭ ايداپ اكەتىلۋى مەن ۇرلانۋىنىڭ الدىن الۋ جانە اشۋ بويىنشا جەدەل جاعدايدى تۇراقتاندىرۋ ماقساتىندا 16-22 تامىز ارالىعىندا اقمولا وبلىسىنىڭ اۋماعىندا رەسپۋبليكالىق «اۆتوموبيل» جەدەل الدىن الۋ ءىس-شاراسى وتكىزىلەدى.
اعىمداعى جىلعى 18 تامىزدا جەدەل ءىس-شارالار وتكىزۋ كەزىندە وبلىستىق پوليتسيا دەپارتامەنتىنىڭ كققب پپب قاتىسۋىمەن كريمينالدىق پوليتسيا باسقارماسىنىڭ قىزمەتكەرلەرى اۋەزوۆ كوشەسىمەن ءجۇرىپ كەلە جاتقان 38 جاستاعى جۇرگىزۋشىسى تىزگىندەگەن جالعان مەملەكەتتىك تىركەۋ نومىرلىك بەلگىلەرى بار Toyota Highlander ماركالى اۆتوكولىگىن انىقتادى. جۇرگىزۋشىنىڭ تىركەۋ قۇجاتتارى مەن اگرەگاتتاردىڭ تۇيىندەرىن تەكسەرۋ بارىسىندا كولىكتىڭ بۇرىن ەسەپتەن شىعارىلعانى, ال كەيىنىرەك وعان رەسەيلىك ەسەپتىڭ جالعان نومىرلەرى قويىلعانى انىقتالدى.
قازىرگى ۋاقىتتا اتالعان فاكتى بويىنشا قر قك 386-بابىنىڭ 1-بولىگى (كولىك قۇرالىنىڭ سايكەستەندىرۋ ءنومىرىن قولدان جاساۋ, جويۋ, كورىنەۋ جالعان سايكەستەندىرۋ ءنومىرى بار كولىك قۇرالىن وتكىزۋ) بويىنشا سوتقا دەيىنگى ءىس باستالدى. ءتارتىپ بۇزۋشىنىڭ كولىگى ارنايى تۇراققا قامالدى. تەرگەۋ امالدارى جالعاسۋدا. ساراپتاما تاعايىندالدى.
