بۇعان دەيىن زىمىران-تاسىعىشىن ۇشىرۋ 20 تامىزعا جوسپارلانعان بولاتىن. الايدا تەحنيكالىق سەبەپتەرگە بايلانىستى ءبىر كۇن كەيىنگە شەگەرىلگەن ەدى. كەيىنىرەك جەرۇستى باسقارۋ جانە عارىش اپپاراتىن باقىلاۋ جۇيەسىندە قوسىمشا جۇمىستار جۇرگىزۋ ءۇشىن تاپسىرىس بەرۋشى زىمىراندى ۇشىرۋدى 22 تامىزعا اۋىستىرۋعا ءوتىنىش جاساعان.
سوڭعى اقپاراتقا سايكەس, بايقوڭىر عارىش ايلاعىنان زىمىران-تاسىعىشتى ۇشىرۋ 2021 جىلعى 22 تامىز كۇنى نۇر-سۇلتان ۋاقىتى بويىنشا ساعات 04-13-كە بەلگىلەنىپ وتىر.
ۇشىرۋ ساتىنەن تىكەلەي كورسەتىلىم روسكوسموستىڭ سايتىندا جانە الەۋمەتتىك جەلىلەرىندە كورسەتىلەدى. كورسەتىلىم 22 تامىز كۇنى نۇر-سۇلتان ۋاقىتىمەن ساعات 03:20-دا باستالادى.
ايتا كەتەيىك, OneWeb سپۋتنيكتەرىنىڭ جاڭا پارتياسى بايقوڭىرعا 2021 جىلدىڭ 30 شىلدەسىندە جەتكىزىلدى. OneWeb-ءتىڭ 34 عارىش اپپاراتىن ۇشىرۋ بايقوڭىر عارىش ايلاعىنىڭ 31-ءشى الاڭىنىڭ «ۆوستوك» ۇشىرۋ كەشەنىنەن جۇزەگە اسىرىلادى.
