م.تىلەۋبەردى دەلەگاتسيانى قازاقستاننىڭ سىرتقى ساياساتىنىڭ باسىمدىقتارى تۋرالى ەگجەي-تەگجەيلى حاباردار ەتتى. سونداي-اق, ول ەۋروپالىق ديپلوماتتى «حالىق ۇنىنە قۇلاق اساتىن مەملەكەت» تۇجىرىمداماسى اياسىندا پرەزيدەنت ق.توقاەۆ باستاماشى بولعان ساياسي رەفورمالاردىڭ ىسكە اسىرىلۋ بارىسىمەن تانىستىردى.
ەو ارنايى وكىلى قازاقستانعا العاشقى ساپارىن ۇيىمداستىرعانى ءۇشىن العىسىن ءبىلدىرىپ, قازاقستاننىڭ ەۋرووداقپەن ىنتىماقتاستىعىن نىعايتۋعا جان-جاقتى قولداۋ كورسەتۋگە دايىن ەكەنىن ءبىلدىردى.
«ورتالىق ازيا – ەۋروپالىق وداق» ديالوگتىق پلاتفورماسى شەڭبەرىندە تاراپتار 5-6 قازاندا الماتى قالاسىندا گيبريدتى فورماتتا وتكىزىلى جوسپارلانىپ وتىرعان الداعى ازاماتتىق فورۋمدى تالقىلادى. اتالعان فورۋم ورتالىق ازيا جانە ەۋروپالىق وداق ازاماتتىق قوعام وكىلدەرىنىڭ قاتىسۋىمەن وتەدى.
كەلىسسوزدەردىڭ تاعى ءبىر تاقىرىبى اۋعانستانداعى جاعداي بولدى. تاراپتار وسى ەلدەگى جاعدايدى تۇراقتاندىرۋ بويىنشا قولداۋ مەن بىرلەسكەن شارالار قاجەتتىگىن اتاپ ءوتتى.
سونىمەن قاتار, قر - ەو كەڭەيتىلگەن ستراتەگيالىق ارىپتەستىك تۋرالى كەلىسىمدى ىسكە اسىرۋ بارىسى تالقىلاندى. پرەمەر-ءمينيستردىڭ ورىنباسارى ىنتىماقتاستىق كەڭەسىنىڭ وتىرىسى بارىسىندا قول جەتكىزىلگەن ۋاعدالاستىقتاردى ءىس جۇزىندە ىسكە اسىرۋ قاجەتتىگىن اتاپ ءوتتى.
كەزدەسۋ سوڭىندا تاراپتار تۇراقتى جۇمىس بايلانىستارىن ورناتۋعا كەلىستى.
