ءتارتىپ ساقشىلارىنىڭ ايتۋىنشا, وبلىستا شەكتەۋ شارالارىنا قاراماستان ەرەجەنى ەلەمەي, تۇرعىنداردىڭ ومىرىنە قاتەر ءتوندىرىپ, توي جاسايتىندار قاتارى كوپ. وسى تۇستا ايتا كەتەتىن جايت جىل باسىنان بەرى تۇركىستان وبلىسىنىڭ پوليتسەيلەرى توي-جيىننىڭ 734 جايتىن تىركەدى.
ماسەلەن, ورداباسى اپب-ءنىڭ ءتارتىپ ساقشىلارى ءوزىنىڭ ءۇيىنىڭ اۋلاسىندا بەتاشار تويىن وتكىزىپ جاتقان تۇرعىندى انىقتادى. وقيعا ورنىنا موبيلدىك توپپەن پوليتسەيلەر تەز ارادا جەتتى. تەكسەرۋ كەزىندە تويعا 60-قا جۋىق ادام جينالعانى بەلگىلى بولدى. ناتيجەسىندە اتالعان توي توقتاتىلىپ, قۇقىق بۇزۋشىعا قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا قۇجاتتار جيناقتالىپ, سەبب-عا جولداندى.
وسىعان ۇقساس تاعى ءبىر جايت وتىرار اۋدانىندا دا انىقتالدى. وندا جەرگىلىكتى تۇرعىن كارانتين رەجيمىنە قاراماستان ۇيىنە 50-دەن استام ادامدى جيناپ, كەلىن ءتۇسىرىپ, بەتاشار تويىن وتكىزگەن. توي يەسىنە قاتىستى زاڭعا سايكەس اكىمشىلىك شارا كورىلدى.
