اتالعان كۋرس وتباسى ينستيتۋتىن زەرتتەۋ ورتالىعىنىڭ باستاماسىمەن جانە دە «وتباسى اكادەمياسى» قوعامدىق قورى مەن «كوۆچەگ» قايىرىمدىلىق قورىنىڭ بىرلەسە ازىرلەگەن جوباسى.
«بالا اسىراپ الۋشى اتا-انالار مەكتەبى» ونلاين كۋرسى بىرىنشىدەن, وقىتۋ سەمينارلارىن جۇرگىزەتىن ترەنەرلەرگە كومەكشى قۇرال رەتىندە ازىرلەنگەن. الداعى ۋاقىتتا بۇل كومەكشى قۇرال وسى تاقىرىپقا قىزىعۋشى زەرتتەۋشى, ىزدەنۋشى ازاماتتارعا كەڭىنەن تانىستىرىلىپ, قالىڭ بۇقارا نازارىنا ۇسىنىلاتىن بولادى», دەدى ««رۋحاني جاڭعىرۋ» قوعامدىق دامۋ ينستيتۋتىنىڭ باسقارما باسشىسىنىڭ ورىنباسارى, ساياسي عىلىمدار دوكتورى قايداروۆا اسەم.
ونلاين كۋرس kipd.kz پلاتفورماسىندا قولجەتىمدى بولىپ, ققدي-نىڭ الەۋمەتتىك جەلىلەردەگى بارلىق اككاۋنتتارىندا ورنالاستىرىلاتىن بولادى جانە دە بالا اسىرىپ الۋشى اتا-انالارعا قاتىستى قىزىعۋشىلىق تانىتقان ۇيىمدار مەن ازاماتتارعا جەكە تابىستاۋ جوسپارلانىپ وتىر.
كۋرس بارىسىندا بالا اسىرىپ الۋشى اتا-انالاردى ىنتالاندىرۋ مەن بالالاردىڭ پسيحولوگيالىق جاراقاتى, بالالار ءۇينىڭ تاربيەلەنۋشىلەرىنىڭ ەرەكشەلىكتەرى سەكىلدى زەرتتەۋ تاقىرىپتارى قامتىلعان. قازىر وقىتۋ كۋرسىنىڭ ەكىنشى ءمودۋلى دايىندالۋدا.
تانىستىرىلىم بارىسىندا «وتباسى اكادەمياسى» قوعامدىق قورىنىڭ ساراپشىسى زۋحرا ابراحمانوۆا, «وتباسىن جانە بالالاردى قولداۋ ورتالىعىنا» قاراستى «SOS استانا بالالار اۋىلىنىڭ» جبم-ءنىڭ الەۋمەتتىك قىزمەتكەرى اناستاسيا ليتۆينوۆا, جانە دە نۇر-سۇلتان قالاسى بويىنشا «ومىرلىك قيىن جاعدايداعى بالالارعا قولداۋ كورسەتۋ ورتالىعى» كمم-ءنىڭ پەداگوگ-پسيحولوگ مامانى تۇكەنوۆا اسەم بالا اسىراپ الۋشى اتا-انالاردى وقىتۋداعى وزدەرىنىڭ تاجىربيەلەرىمەن ءبولىستى.
«بالا اسىراپ الۋشى اتا-انالار مەكتەبى» جوباسىنىڭ ماڭىزىن اتاپ ءوتىپ, جوبا بالا اسىراپ الۋ ينستيتۋتىنىڭ دامۋى مەن بۇل سالادا قىزمەت كورسەتەتىن مامانداردىڭ دايارلىعىن پىسىقتاۋمەن قاتار, قوعامداعى جەتىمدەر ماسەلەسىنىڭ الدىن الۋعا نەگىزدەلەگەن وزەكتى الەۋمەتتىك جوبا», دەدى وتباسى ينستيتۋتىن زەرتتەۋ ورتالىعىنىڭ باسشىسى ايگۇل راقىشەۆا.
