ماردجوري تەيلور گرينمەن وتكىزىلگەن كەلىسسوزدەردەن كەيىن رەسپۋبليكاشىلاردىڭ وڭ قاناتىنىڭ ستراتەگى جانە ء«ترامپيزمنىڭ» نەگىزگى يدەولوگتارىنىڭ ءبىرى ستيۆ باننون قازىرگى پرەزيدەنتتىڭ قارسىلاستارى ءۇشىن جاڭا تاكتيكانى ۇسىندى: 2022 جىلعى سايلاۋدان كەيىن وكىلدەر پالاتاسى ترامپتى نەنسي پەلوسيدىڭ ورنىنا كەمىندە 100 كۇن سپيكەر ەتىپ سايلايدى. بۇل ءۇشىن ترامپتىڭ كونگرەسكە سايلانۋى دا قاجەت ەمەس: تەوريالىق تۇرعىدان وكىلدەر پالاتاسىنىڭ سپيكەرى كونگرەسسمەن بولماۋى دا مۇمكىن. بىراق اقش ساياساتىندا بۇل ءىس جۇزىندە ەشقاشان بولعان ەمەس.
وسى ارادا دەموكراتتاردىڭ «مۇراگەر» وپەراتسياسىنا دايىندالىپ جاتقان جايى بار. سوڭعى كۇندەرى ۆيتسە-پرەزيدەنت كامالا حارريس اۋعان تاقىرىبىنا بايلانىستى نەگاتيۆتەن اۋلاق بولعان. ەل ىشىندە تاراعان «بايدەن اكىمشىلىگى - حارريس» سوزدەرىنىڭ اياسىندا, ۆيتسە-پرەزيدەنت, شىنىندا دا كابۋل اۋەجايىنداعى قايعىلى وقيعا تۋرالى بىردە-ءبىر پىكىر بىلدىرگەن جوق. ءتىپتى دەموكراتيالىق ءباسپاسوز حارريس اۋعانستاننان شىعۋ ستراتەگياسىنا قاتىستى شەشىم قابىلداۋداعى ءرولى ءۇشىن سىننان قۇتىلا المايتىنىن مويىندايدى.
بايدەن بەدەلىنە تاليباننىڭ جەڭىسىنە بايلانىستى ۇيىمداستىرعان بريفينگ تە كىر كەلتىردى.
كەيبىر امەريكالىق ساراپشىلار كابۋلداعى سوڭعى وقيعالار بايدەننىڭ بەدەلىنە نۇقسان كەلتىرسە دە, كەيىنگى سايلاۋعا ايتارلىقتاي اسەر ەتپەيدى دەگەن پىكىردە. ولار سايگون-1975-ءتىڭ وقيعالارى 1976 جىلعى پرەزيدەنتتىك ناۋقانعا اسەر ەتپەگەنىن ەسكە الدى.
