قازاقستاندىق ەندوسكوپيالىق حيرۋرگتار قاۋىمداستىعىنىڭ پرەزيدەنتى, مەديتسينا عىلىمدارىنىڭ دوكتورى, پروفەسسور, قر ەڭبەك سىڭىرگەن قايراتكەر ۆلاديمير كوتلوبوۆسكي باستاعان ۋكراينا, ماسكەۋ جانە قازاقستان عالىمدارىنان قۇرالعان توپ 1 اپتا بويى تاراز قالالىق كوپبەيىندى, جامبىل وبلىستىق كوپبەيىندى, وبلىستىق كوپبەيىندى بالالار اۋرۋحاناسىندا شەبەرلىك سىنىپتارىن وتكىزىپ, كۇردەلى وتادان كەيىنگى اسقىنۋلاردىڭ الدىن الۋ جانە ولاردى ەندوسكوپيالىق قۇرالداردىڭ كومەگىمەن ەمدەۋ جونىندەگى تاجىريبەلەرمەن ءبولىسىپ, ەرەسەكتەر مەن بالالار اراسىنداعى قاۋىپسىز ەندوحيرۋرگيا باعىتىندا ترەناجەرلار مەن سيمۋلياتورلارمەن پراكتيكالىق ساباقتار وتكىزدى.
لاپاروسكوپيالىق وپەراتسيالاردان كەيىن اسقىنۋلار سانى جانە ارالاسۋدان كەيىنگى ەڭبەككە جارامسىزدىق كەزەڭىنىڭ ورتاشا ۇزاقتىعى ءداستۇرلى حيرۋرگيالىق ەمدەۋمەن سالىستىرعاندا 1-2 ايدان 3-7 كۇنگە دەيىن كۇرت تومەندەيدى. عالىمداردىڭ تاجىريبەسى مەن ءبىلىمى – جامبىل وبلىسىندا ەندوبەينەحيرۋرگيانىڭ ودان ءارى دامۋىنا سەپتىگىن تيگىزەتىنى ءسوزسىز.
كونفەرەنتسيا بارىسىندا جامبىل وبلىستىق كوپبەيىندى اۋرۋحاناسىنا لازەرلى ەلەكتروحيرۋرگيالىق كەشەن ساتىپ الۋ ءۇشىن 40 ميلليون تەڭگەنىڭ سەرتيفيكاتى تابىس ەتىلدى.
