تۋىندىنىڭ رەجيسسەرى – راۆيل ترۋموۆ. باستى رولدەردى ءشارىپ سەرىك پەن كارينا كۋدەكوۆا سومدايدى.
«وقيعا جەلىسى ستسەناري بويىنشا الماتىداعى اۋرۋحانالاردىڭ بىرىندە باستاۋ الادى. اۋرۋحانا ۇجىمى باس دارىگەر نيكولاي گراچەۆتى مەرەيلى جاسىمەن قۇتتىقتاۋعا دايىندالىپ جاتقاندا كۇتپەگەن جاعدايعا تاپ بولادى», دەپ جازادى كينوستۋديانىڭ ءباسپاسوز قىزمەتى.
ء«بىزدىڭ سۇيىكتى دارىگەر 2» ءفيلمى 2019 جىلى مامىر ايىندا وندىرىسكە جىبەرىلىپ, فيلم پروكاتقا 2020 جىلى شىعۋ كەرەك بولعان. باستى كەيىپكەرلەرىنىڭ ءبىرىن ءانشى دانەليا تولەشوۆا سومدايتىنى تۋرالى مالىمەت شىققان. قازىر جۇمىس قايتا جانداندى.
شاكەن ايمانوۆتىڭ ء«بىزدىڭ سۇيىكتى دارىگەر» تولىق مەتراجدى كوركەم ءفيلمى 1957 جىلى تۇسىرىلگەن.
