ۇشۋ جوسپار بويىنشا بۇگىن, 20 تامىزدا, نۇر-سۇلتان ۋاقىتى بويىنشا 04:23-تە بايقوڭىر عارىش ايلاعىنىڭ 31-ءشى الاڭىنان جوسپارلانعان.
«روسكوسموس» تەلەستۋدياسىنىڭ بايقوڭىردان تىكەلەي ترانسلياتسياسى بەلگىلەنگەن ۋاقىتتان ءبىر ساعات بۇرىن باستالدى, بىراق ۇشۋعا بىرنەشە مينۋت قالعاندا, جۇرگىزۋشىلەر كەيىنگە قالدىرۋ تۋرالى حابارلادى.
روسكوسموستىڭ اقپاراتتىق حابارلاماسىندا «فرەگات» جوعارعى ساتىسى بار «سويۋز-2.1ب» زىمىران تاسىعىشىنىڭ جانە OneWeb سپۋتنيكتىك كومپانياسىنىڭ 34 عارىش كەمەسىنىڭ ۇشىرىلۋى تەحنيكالىق سەبەپتەرگە بايلانىستى رەزەرۆتىك ۋاقىتقا اۋىستىرىلعانى ايتىلدى.
الدىن الا مالىمەتتەر بويىنشا سويۋز-2.1ب زىمىران تاسىعىشىنىڭ ۇشىرىلۋى 2021 جىلدىڭ 21 تامىزىندا ماسكەۋ ۋاقىتىمەن 01:18:20 (نۇر ۋاقىتى بويىنشا 4:18:20) جوسپارلانعان دەپ كورسەتىلگەن.
OneWeb عارىش كەمەسى جوعارى جىلدامدىقتى ينتەرنەتپەن قامتاماسىز ەتۋگە ارنالعان. بۇگىندە تومەن وربيتاداعى OneWeb سپۋتنيكتەرىنىڭ شوقجۇلدىزى 254 عارىش اپپاراتىن قۇرايدى. بۇل جولى 34 جەر سەرىگىن ۇشىرۋ جوسپارلانعان.
