سقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, وبلىستا كوروناۆيرۋس جۇقتىرعان بالالاردىڭ سانى 1 082-گە جەتتى. بۇل ەسەپكە تۋعانىنا نەبارى 28 كۇن تولعان سابيلەر مەن 18 جاسقا دەيىنگى بالالار الىنعان. قاۋىپتى ينفەكتسيا جۇقتىرعان بالالاردىڭ 842-ءسى ەمدەلىپ شىقسا, 225-ءى دارىگەرلەردىڭ قاراۋىندا. سونىڭ ىشىندە 27-ءسى ينفەكتسيالىق ستاتسيوناردا ەم الىپ جاتىر.
«بۇرىن بالالار كوروناۆيرۋستى جۇقتىرعاندا كوپ جاعدايدا اۋرۋدىڭ بەلگىسى بىلىنبەيتىن. قازىر اۋىرىپ, ەم الىپ جاتقاندارداڭ جاعدايلارى ورتاشا. ولار اۋرۋحاناعا قاتتى دەنە قىزۋىمەن, دەم الا الماي تۇسەدى. سول سەبەپتى ساقتانىپ جۇرۋگە, قوعامدىق ورىندارعا بارماۋعا كەڭەس بەرەمىز», دەيدى سقو كوپبەيىندى بالالار اۋرۋحاناسىنىڭ باس دارىگەرى ولەگ زاۆيالوۆ.
سقو-دا وتكەن تاۋلىكتە 166 ادام كوروناۆيرۋس جۇقتىرسا, سونىڭ 16-سى – 18 جاسقا دەيىنگى بالا. 38-ءى ءۇي كارانتينىنە جىبەرىلدى. جالپى پاندەميا باستالعالى 1 جاسقا دەيىنگى 17 ءسابي اۋىرعان. 1-3 جاستاعى 45 جانە 3-5 ارالىعىنداعى 19 بالا جۇقتىرعان.
