ەندى مەديتسينالىق انىقتاماسى بار نەمەسە سوڭعى ءۇش ايدا كوۆيدپەن اۋىرىپ جازىلعانداردى قوسپاعاندا 18 جاستان اسقان ستۋدەنتتەردىڭ بارلىعى ۆاكتسينا الۋى ءتيىس.
سوندا عانا وقۋعا جانە جاتاقحاناعا جىبەرىلەدى. ال مەكتەپتەردە جوعارى, ورتا جانە باستاۋىش سىنىپ وقۋشىلارى بولەك ەسىكتەن كىرىپ-شىعۋى قاجەت. سونداي-اق ساباق اراسىنداعى ۇزىلىستەر ءارتۇرلى ۋاقىتتا بولۋى كەرەك. بۇعان قوسا, سىنىپ كابينەتتەرى ساعات سايىن جەلدەتىلىپ تۇراتىن بولادى. كۇندەلىكتى دارىستەن باسقا كەز كەلگەن بۇقارالىق ءىس-شارالاردى وتكىزۋگە تىيىم سالىنعان.
«ءبىلىم بەرۋ مەكەمەلەرىندە جاڭا وقۋ جىلىن شتاتتىق رەجيمدە ۇيىمداستىرۋ ءۇشىن پەدوگوگتار مەن قىزمەتكەرلەر, جاتاقحانالار, اسحانالار پەرسونالى جانە اتا-انالار اراسىنان جۇقتىرعان, ۆاكتسينا الماعان جانە بايلانىستا بولعان ادامداردى باقىلاۋ ماقساتىندا بارلىق ءبىلىم بەرۋ جانە تاربيە ۇيىمدارىندا Ashyq جۇيەسىن ەنگىزۋ قاجەت. بارلىق قىزمەتكەرلەر مەن ءبىلىم الۋشىلاردىڭ كۇندەلىكتى سۇزگى جۇمىستارىن وتكىزۋ, كابينەتتىك وقىتۋ جۇيەسىن توقتاتۋ», دەدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ رەسمي وكىلى ايگۇل شاتەكوۆا.
