ءار بالا مەملەكەتتىك بيۋدجەت ەسەبىنەن ەكى ۇيىرمە مەن ءبىر تانىمدىق سەكتسياعا بارۋعا قۇقىلى. وسى مازمۇنداعى زاڭ مامىر ايىندا كۇشىنە ەنگەن. الايدا جەرگىلىكتى اتقارۋشى ورگاندار مەملەكەتتىك تاپسىرىستى جۇزەگە اسىرۋ ءۇشىن قارجىنى جەتكىلىكتى دەڭگەيدە بولمەگەن.
«بۇل رەفورمانى قولعا العانىمىزعا كوپ بولا قويعان جوق. وسى باعىتتاعى جۇمىستار ءبىز قالاعانداي جىلدام شەشىلە بەرمەيدى. اتالعان ماسەلەگە قاتىستى كۇرمەۋى شەشىلۋى ءتيىس ماسەلە كوپ. قازىر ونداعان مىڭ بالالار جۇزدەگەن سەكتسيالار مەن ۇيىرمەلەرگە بارادى. بۇل تومەن كورسەتكىش», دەدى ارۋجان ساين.
سەبەبى قازاقستاندا 4,5 ميلليونعا جۋىق 4 جاستان 17 جاسقا دەيىنگى بالالاردىڭ بارلىعى تەگىن سەكتسيالارمەن قامتاماسىز ەتىلۋى ءتيىس.
«بىراق مەحانيزم جۇمىس ىستەي باستادى, مەن بۇل سان اي سايىن وسەتىنىنە سەنەمىن. ەڭ ماڭىزدى ماسەلە جەرگىلىكتى اتقارۋشى ورگاندار بۇل مەملەكەتتىك تاپسىرىسقا جەتكىلىكتى قاراجات بولمەگەن. باقىلاعانىمىزداي اكىمدىكتەر ماڭىزى تومەن ءىس-شارالارعا قارجىنى كوپ جۇمساعان. ءبىز بيىلعى وليمپيادادان بالالار مەن بۇقارالىق سپورتتى دامىتپاي, حالىقارالىق ارەنادا جەتىستىكتەرگە قول جەتكىزە المايتىندىعىمىزدىڭ دالەلىن كوردىك», دەپ ءتۇسىندىردى ساين.
