ورمان القابىنا جايىلعان ءورتتى ءسوندىرۋ ءۇشىن قازاقستاندىق قۇتقارۋشىلار 8 تاۋلىك بويى اۋقىمدى جۇمىس اتقاردى. 16 قۇتقارۋشى مەن ەكى تىكۇشاقتان قۇرالعان ارنايى توپ جالپى كولەمى 300 تونناداي بولاتىن 80 تسيكلدى سۋ شاشتى. 18 تامىزداعى جاعداي بويىنشا بەكىتىلگەن اۋماقتا ءورت تولىق سوندىرىلگەن.
قر تجم ارنايى توبىنىڭ جەكە قۇرامى ولاردىڭ الدىنا قويىلعان مىندەتتەردى تولىق كولەمدە ورىندادى جانە بۇگىنگى كۇنى قازاقستاندىق ەكيپاج ۇزاق قاشىقتىقتا ۇشۋعا دايىندالۋدا. 20 تامىز كۇنى تۇركيا ۋاقىتى بويىنشا تاڭعى ساعات 06:00-دە دالامان قالاسىنىڭ اكىمدىگى جانە تۇركيا رەسپۋبليكاسى اۋىل جانە ورمان شارۋاشىلىعى مينيسترلىگىنىڭ وكىلدەرى قازاقستاندىق قۇتقارۋشىلاردى شىعارىپ سالادى دەپ جوسپارلانعان.
