بۇگىنگى تاڭدا مەگاپوليستەگى ورتالىق ماڭىزى بار 747 كوشەنىڭ 228-ءى جارىقتاندىرىلعان. ياعني, قامتىلۋ كورسەتكىشى 43,4 پايىزدى قۇراپ وتىر.
بۇل كورسەتكىشتى ارتتىرۋ ءۇشىن بيىل مامىر ايىنان باستاپ مەملەكەتتىك-جەكەشەلىك ارىپتەستىك اياسىندا جۇمىستار قولعا الىنعان بولاتىن. بۇگىنگى كۇنگە دەيىن مەردىگەر مەكەمە «ABM Building» جشس تاراپىنان 51 كوشەگە جارىقشام ورناتىلدى.
ناقتىراق ايتساق, اباي اۋدانىندا – 24 كوشە, ءال-فارابي اۋدانىندا – 6 كوشە, ەڭبەكشى اۋدانىندا – 4 كوشە, قاراتاۋ اۋدانىندا – 19 كوشە جارىقتاندىرىلدى.
مەملەكەتتىك-جەكەشەلىك ارىپتەستىك اياسىندا (گچپ) 2021–2023 جىلدارى 312 كوشە جارىقتاندىرىلادى دەپ جوسپارلانۋدا.
جوسپار بويىنشا 2021 جىلدىڭ سوڭىنا دەيىن مەگاپوليستەگى 104 كوشە جارىقتاندىرىلاتىن بولادى. اتاپ ايتقاندا, اباي اۋدانى – 30, ءال-فارابي – 21, ەڭبەكشى اۋدانى – 22, قاراتاۋ اۋدانىندا 31 كوشە بەلگىلەندى.
ال, 2022 جىلى - 102 كوشە, 2023ج - 106 كوشە جارىقتاندىرىلىپ, ناتيجەسىندە جارىقتاندىرۋ كورسەتكىشى 70 %-عا جەتەتىن بولادى.
ەگەر, كوشە بويىنداعى جارىق باعانالارىنىڭ ىستەن شىققانىن, جانباي تۇرعانىن كورسەڭىز «ايكومەك» ورتالىعىنىڭ 109 نومىرىنە حابارلاسىڭىز.
