قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستانداعى اۋعانستان ەلشىلىگى ءوز قىزمەتىن جالعاستىرىپ جاتقانىن حابارلادى.
«قازاقستان اۋماعىنداعى اۋعانستان ازاماتتارى ەلىنە ورالۋعا قاتىستى سۇراققا جاۋاپتى ەلورداداعى ءوز ەلشىلىكتەرىنەن بىلە الادى. ازاماتتار جۇگىنگەن جاعدايدا قازاقستانداعى اۋعانستان ەلشىلىگى ماسەلەنى ءبىزدىڭ قۇزىرلى ورگاندارمەن بىرلەسىپ قاراستىرادى. ال قازاقستان اۋماعىندا رەسمي قىزمەت ەتىپ نەمەسە ءبىلىم الىپ جاتقان اۋعان ازاماتتارى جۇمىسى مەن وقۋىن جالعاستىرا بەرەدى», دەپ جاۋاپ بەردى ا. سمادياروۆ.
مينيسترلىك وكىلى اۋعانستانداعى ماسەلەگە قاتىستى سۇراقتاردىڭ جاۋابىن ەلشىلىك قىزمەتكەرلەرىنەن بىلۋگە بولاتىنىن ايتتى.
