رف ۇكىمەتىنىڭ توراعاسى ميحايل ءميشۋستيننىڭ قازاقستانعا ساپارى اياسىندا قر ستراتەگيالىق جوسپارلاۋ جانە رەفورمالار اگەنتتىگى, «استانا» حالىقارالىق قارجى ورتالىعى اكىمشىلىگىمەن جانە ۇتب پلاتفورماسىمەن بىرلەسىپ ينۆەستيتسيالىق كليماتتى جەتىلدىرۋ, ينستيتۋتسيونالدىق ورتانى دامىتۋ, تسيفرلىق جانە تەحنولوگيالىق دامۋ, كاسىپكەرلىك پەن مەملەكەتتىك باسقارۋ سالاسىنداعى ادامي پوتەنتسيالدى ارتتىرۋعا باعىتتالعان ىنتىماقتاستىق تۋرالى كەلىسىمگە قول قويدى.
قۇجاتقا سبا باس ديرەكتورى سۆەتلانا چۋپشەۆا, سجرا توراعاسى قايرات كەلىمبەتوۆ, احقوا باسقارما توراعاسى ەرنۇر رىسماعامبەتوۆ جانە ۇتب پلاتفورماسىنىڭ باس ديرەكتورى دميتري پەسكوۆ قول قويدى.
كەلىسىمدە كورسەتىلگەن تاراۋلاردى ىسكە اسىرۋ ماقساتىندا بىرلەسكەن ستراتەگيالىق باستامالار كەڭسەسىن اشۋ جوسپارلانعان. ونىڭ قۇرامىنا تاراپتاردىڭ وكىلدەرى كىرەدى. ونداعى ماقسات بىرلەسكەن دامۋ جوبالارىن قۇرۋ جانە كەڭەيتۋ بولماق.
قۇجات اياسىندا سبا-نىڭ رەسەي فەدەراتسياسى وڭىرلەرىنىڭ ينۆەستيتسيالىق كليماتىنىڭ رەيتينگىن قۇرۋداعى تاجىريبەسىن ەسكەرە وتىرىپ قازاقستان وڭىرلەرىنىڭ ينۆەستيتسيالىق تارتىمدىلىعى رەيتينگى جاسالادى.
«كەلىسىمگە قول قويۋ ءبىز ءۇشىن ازاماتتاردىڭ ءومىرىن جاقسارتۋعا باعىتتالعان جوبالار مەن باستامالاردى بىرلەسە دايىنداۋ مەن ىلگەرىلەتۋگە ۇلكەن مۇمكىندىكتەر ۇسىنادى. ەكى ەلدىڭ ءبىلىم بەرۋ, تەحنولوگيا, ينۆەستيتسيالىق كليمات, تۋريزم مەن ەكولوگيانى دامىتۋ بويىنشا بىرلەسكەن باستامالاردى ءساتتى ىسكە اسىرۋ جالپى وسى ءوڭىردىڭ دامۋىنا ىقپال ەتپەك», دەدى سجرا توراعاسى قايرات كەلىمبەتوۆ.
