قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ ءباسپاسوز قىزمەتىنىڭ دەرەگىنە سۇيەنسەك, تەكسەرۋ قورىتىندىسى بويىنشا كاسىپوداق مۇشەلەرى بولعان 24 سالا قىزمەتكەرى جۇمىسقا قايتا الىندى. جارتى جىل ىشىندە كاسىپوداق ورگاندارىنىڭ تالابى بويىنشا قىزمەتكەرلەرگە زاڭسىز ۇستالعان نەمەسە تولەنبەگەن 190 ملن تەڭگەدەن استام قاراجات قايتارىلدى.
2020 جىلى سالالىق كاسىپوداق پەن ونىڭ مۇشەلىك ۇيىمدارىنىڭ جوعارى بىلىكتى زاڭگەرلەرىنىڭ ناتيجەلى جۇمىسىنىڭ ارقاسىندا كاسىپوداق مۇشەلەرىنە 1,4 ملرد تەڭگە قاراجات قايتارىلعان ەدى. 260 سالا قىزمەتكەرىنىڭ زاڭسىز جۇمىستان شىعارىلۋىنا جول بەرىلمەدى, زاڭسىز جۇمىستان شىعارىلعان 63 كاسىپوداق مۇشەسى جۇمىس ورىندارىنا قايتارىلدى, ولاردىڭ 3-ءى سوتقا جۇگىنۋ ارقىلى جۇزەگە اسىرىلدى.
وتكەن جىلى كاسىپوداققا 45 مىڭنان استام سالا قىزمەتكەرى جۇگىندى. توتەنشە جاعداي كەزىندە كاسىپوداق 24/7 رەجيمىندە جۇمىس ىستەپ, كاسىپوداق مۇشەلەرىمەن بايلانىستا بولدى. لوكداۋن ەنگىزىلگەن 2 اي ىشىندە 15 مىڭنان استام ادامعا كەڭەس بەرىلدى. اعىمداعى جىلدىڭ ءبىرىنشى جارتىجىلدىعىندا 14 مىڭنان استام سالا قىزمەتكەرى كاسىپوداق كەڭەسىنە جۇگىندى.
ءبىلىم كاسىپوداعى ارقاشان كاسىپوداق مۇشەلەرىنىڭ قۇقىقتارىن زاڭ شەبەرىندە قورعاۋعا مۇددەلى.
