بۇل جولى كومپانيا باسشىسى نۇرلان مازعالي اتىراۋعا كەلگەنىمەن, بۇل داۋدى رەتتەۋگە تىرىسقان وبلىس اكىمىنىڭ ورىنباسارى قايرات بەكەنوۆ ورنىندا بولمادى. جينالعاندارعا ونىڭ قازىر ءىسساپاردا ەكەنىن ايتتى.
نۇرلان مازعالي بۇل ماسەلەنى الدىمەن باس مەردىگەر «Gaz stroy montazh KZ» مەن مەردىگەر «ارال سەرۆيس» كومپانياسىمەن شەشۋ كەرەك دەپ جاۋاپ بەردى. باس مەردىگەر «Gaz stroy montazh KZ» جشس اتىراۋ فيليالىنىڭ باسشىسى باتىر يبراەۆ, ءوز كەزەگىندە, الدىمەن «قۇلسارى-تەڭىز سۋ قۇبىرىنىڭ قۇرىلىسى» جوباسىندا تۋىنداعان تۇسىنبەستىكتى انىقتاۋ كەرەك ەكەنىن ايتتى. ويتكەنى ول جەردە ءبىر ۋاقىتتا ەكى مەردىگەر قاتار بولعان جانە ءىس جۇزىندە جۇمىستى ناقتى كىم ورىنداعانى تۇسىنىكسىز. قازىر بۇل ماسەلە ەكونوميكالىق سوتتا قاراستىرىلۋدا.
