كوروناۆيرۋس • 18 تامىز، 2021

قازاقستاندا تۇرمەدەگىلەرمەن كەزدەسۋگە تىيىم سالىندى

1030 رەت كورسەتىلدى

تۇرمە ازاماتتار تىعىز شوعىرلانعان ايماق. بۇل تەرريتوريادا ۆيرۋستىڭ تارالۋ جىلدامداعى دا جوعارى. سوندىقتان قازاقستاننىڭ «قىزىل ايماقتاعى» وڭىرلەرىندەگى تۇرمەلەرىندە، COVID-19-عا بايلانىستى، تۇتقىندارمەن جاقىندارىنىڭ جولىعۋىنا شەكتەۋ قويىلاتىن قاۋلى قابىلداندى، دەپ جازادى Egemen.kz

قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتىندە ايتىلعانداي، كوروناۆيرۋستىق ينفەكتسيانىڭ جاڭا شتامدارىنىڭ پايدا بولۋى مەن تارالۋىن بولدىرماۋ ءۇشىن تۇزەتۋ مەكەمەلەرىندە كارانتيندىك شارالار قاتاڭ ساقتالۋدا.

كوميتەتتىڭ ءباسپاسوز قىزمەتى تەمىر توردىڭ ارعى جاعىنداعىلارعا تۋىسقاندارىمەن بايلانىسۋ ءۇشىن تەلەفون ارقىلى سويلەسۋلەر مەن بەينەكونفەرەنتسيالار ۇسىنىلاتىنىن اتاپ ءوتتى.

«قاۋلىداعى شەكتەۋلەر كونۆويعا (تاسىمالداۋعا) جاتاتىن سوتتالعان مەكەمەلەردىڭ جەكە قۇرامىنا قولدانىلمايتىنى ەسكەرىلدى. سونىمەن قاتار ۆاكتسيناتسيانىڭ تولىق كۋرسىن العان جاعدايدا قاۋىپسىزدىگى شەكتەۋلى مەكەمەلەردە جازاسىن وتەپ جاتقان سوتتالعاندار مەكەمەدەن تىس ورىنعا جۇمىس ىستەۋگە جىبەرىلەدى.

قازاقستان رەسپۋبليكاسىنداعى ەپيدەميولوگيالىق جاعداي تۇراقتانعان سايىن ۇزاق جانە قىسقا مەرزىمدى كەزدەسۋلەر قايتا باستالادى»، دەدى قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار