«كوميتەت پەن ونىڭ اۋماقتىق بولىمشەلەرىنە 2020 جىلعا ينۆەستيتسيالىق باعدارلامالار مەن تاريف سمەتالارىن ورىنداۋ تۋرالى 1 203 تابيعي مونوپوليا سۋبەكتىسىنەن 2 341 ەسەپ كەلىپ ءتۇستى. ونىڭ ىشىندە بۇگىنگى كۇنى 798 سۋبەكتىنىڭ 1 389 ەسەبى قارالدى. قولدا بار ەسەپتەردى تالداۋ ناتيجەسىندە 266 سۋبەكتىنىڭ ءوز مىندەتتەمەسىن ورىنداماعانى انىقتالدى. وسىعان بايلانىستى ەلدىڭ بارلىق وڭىرلەرىندە جالپى سوماسى 10,2 ملرد تەڭگەگە ۋاقىتشا وتەم تاريفتەرى بەكىتىلدى. بۇل ءتاريفتىڭ ءوسۋىن تەجەيتىن تەتىك ەكەنىن ايتۋ كەرەك», دەدى ول ورتالىق كومۋنيكاتسيالار قىزمەتىندە وتكەن بريفينگىدە.
كوميتەت توراعاسىنىڭ مىندەتىن اتقارۋشى ەسەپتەر ءالى قارالىپ جاتقانىن ەسكە سالىپ, ۋاقىتشا وتەم تاريفتەرىنىڭ سوماسى ءالى كوبەيۋى مۇمكىن ەكەنىن ايتتى.
سونىمەن قاتار اسحات جاپسارباي 2020-2021 جىلدارداعى جىلۋ بەرۋ ماۋسىمىندا تۇتىنۋشىلارعا 415 ملن تەڭگەدەن استام قاراجات قايتارىلاتىنىن حابارلادى.
«قاراجاتتى قايتا ەسەپتەۋ تۇتىنۋشىنىڭ جەكە شوتىندا كورىنىس تابادى جانە جاڭا جىلىتۋ ماۋسىمى باستالعاننان باستاپ اۆانس (سالدو) تۇرىندە جەكە جولمەن جازىلادى», دەپ ءتۇسىندىردى كوميتەت باسشىسى.
