جامبىل وبلىسى پوليتسيا دەپارتامەنتى جپق جول-پاترۋلدىك پوليتسياسى باتالونىنىڭ قىزمەتكەرلەرى مويىنقۇم اۋدانى پب قىزمەتكەرلەرىمەن بىرلەسىپ «الماتى-ەكاتەرينبۋرگ» تاس جولىنىڭ 366 شاقىرىمىندا قىزمەتتىك ءيتتىڭ كومەگىمەن 29 جاستاعى قىزىلوردا تۇرعىنىن ۇستادى.
ءتىنتۋ بارىسىندا كۇدىكتىدەن 2 كيلوگرامم ماريحۋانا ەسىرتكى زاتى تابىلدى.
«قازاقستان رەسپۋبليكاسى قىلمىستىق كودەكسىنىڭ 296-بابى 4-بولىگى «اسا ءىرى مولشەردە ەسىرتكى زاتتارىن زاڭسىز ساقتاۋ» بويىنشا سوتقا دەيىنگى تەرگەۋ باستالدى. قىلمىستىڭ بۇل ءتۇرى بويىنشا 3 جىلدان 7 جىلعا دەيىن باس بوستاندىعىنان ايىرۋ جازاسى قاراستىرىلعان», دەدى مويىنقۇم اۋداندىق پوليتسيا ءبولىمىنىڭ باستىعى جاراس توحاباەۆ.
كۇدىكتى ءوز كىناسىن تولىق مويىنداپ, ۋاقىتشا ۇستاۋ يزولياتورىنا قامالدى. قازىرگى كەزدە تەرگەۋ شارالارى جۇرگىزىلۋدە.
