قازاقستان رەسپۋبليكاسىنىڭ قۇقىق قورعاۋ جۇيەسىن ودان ءارى دامىتۋ شارالارى تۋرالى
قازاقستان رەسپۋبليكاسىنىڭ قۇقىق قورعاۋ جۇيەسىن ودان ءارى دامىتۋ شارالارى تۋرالى
قاۋلى ەتەمىن:
1. قازاقستان رەسپۋبليكاسىنىڭ قۇقىق قورعاۋ جۇيەسىن ودان ءارى جاڭعىرتۋدىڭ 2014-2020 جىلدارعا ارنالعان مەملەكەتتىك باعدارلاماسى (بۇدان ءارى – باعدارلاما) بەكىتىلسىن.
2. قازاقستان رەسپۋبليكاسىنىڭ قۇقىق قورعاۋ ورگاندارىنىڭ كادر ساياساتى تۇجىرىمداماسى ماقۇلدانسىن.
3. قازاقستان رەسپۋبليكاسىنىڭ ۇكىمەتى, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار:
1) قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا باعدارلامانى ىسكە اسىرۋ جونىندەگى ءىس-شارالار جوسپارىن ءبىر اي مەرزىمدە ازىرلەسىن جانە بەكىتسىن;
2) «قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنىڭ ودان ءارى جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №931 جارلىعىمەن ايقىندالاتىن مەرزىمدە جانە تارتىپپەن باعدارلامانىڭ ىسكە اسىرىلۋ مونيتورينگىنىڭ ناتيجەلەرىن قازاقستان رەسپۋبليكاسى پرەزيدەنتىنىڭ اكىمشىلىگىنە ۇسىنسىن;
3) وسى جارلىقتى ىسكە اسىرۋ جونىندەگى وزگە دە شارالاردى قابىلداسىن.
4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2013 جىلعى 31 جەلتوقسان. №720
«قازاقستان رەسپۋبليكاسىنىڭ قۇقىق قورعاۋ جۇيەسىن ودان ءارى دامىتۋ شارالارى تۋرالى»
قازاقستان رەسپۋبليكاسى پرەزيدەنتىنىڭ 2013 جىلعى 31 جەلتوقسانداعى №720 جارلىعىنا
تۇسىندىرمە
قازاقستان رەسپۋبليكاسىنىڭ پرەزيدەنتى ءوزىنىڭ جارلىعىمەن قازاقستان رەسپۋبليكاسىنىڭ قۇقىق قورعاۋ جۇيەسىن ودان ءارى جاڭعىرتۋدىڭ 2014-2020 جىلدارعا ارنالعان مەملەكەتتىك باعدارلاماسىن (بۇدان ءارى – باعدارلاما) بەكىتتى جانە قۇقىق قورعاۋ ورگاندارىنىڭ كادر ساياساتىنىڭ تۇجىرىمداماسىن (بۇدان ءارى –تۇجىرىمداما) ماقۇلدادى.
باعدارلامانىڭ نەگىزگى ماقساتى – ازاماتتاردىڭ قۇقىقتارى مەن بوستاندىقتارىن, قوعام مەن مەملەكەتتىڭ زاڭدى مۇددەلەرىن ءتيىمدى قورعاۋدى قامتاماسىز ەتۋ ارقىلى قۇقىقتىق ءتارتىپ ورگاندارىنا دەگەن سەنىم دەڭگەيىن ارتتىرۋ.
باعدارلاما قۇقىق قورعاۋ سالاسىندا مەملەكەتتىك قىزمەت تۇرلەرىن كەڭەيتىپ, ستاندارتتاۋدى, سونىمەن قاتار, ولاردىڭ ساپاسىن ارتتىرۋ شارالارىن قامتىعان.
قۇقىقتىق ءتارتىپ ورگاندارىنىڭ حالىقپەن, ازاماتتىق قوعام ينستيتۋتتارىمەن ءوزارا ءىس-قيمىلىنىڭ جاڭا تۇرلەرى داميتىن بولادى.
قۇقىق قورعاۋ قىزمەتىنىڭ قۇقىقتىق جانە ۇيىمدىق نەگىزدەرىن جەتىلدىرۋ, ونىڭ ىشىندە قىلمىستىق قۋعىنداۋ ورگاندارىنىڭ جۇمىسىن باعالاۋدىڭ جاڭا كريتەريلەرىن ازىرلەۋ كوزدەلگەن.
سوت اكتىلەرىن ماجبۇرلەپ ورىنداۋدىڭ ءتيىمدى جۇيەسىن قۇرۋ جانە سوت-ساراپتاما قىزمەتتەرىن ءبىر ورگانعا شوعىرلاندىرۋ بەلگىلەنگەن.
تۇجىرىمدامانى ازىرلەۋدىڭ ماقساتى قۇقىق قورعاۋ ورگاندارىنىڭ كاسىبي كادر قۇرامىن قالىپتاستىرۋ, ونىڭ ىشىندە:
ادام رەسۋرستارىنا قاجەتتىلىكتى جوسپارلاۋدى;
كادرلاردى ىرىكتەۋدى, اتتەستاتتاۋدى جانە ورنالاستىرۋدى;
كادرلىق الەۋەتتى كاسىبي دامىتۋدى;
ۇيىمدىق-شتاتتىق قۇرىلىمداردى وڭتايلاندىرۋدى;
تاربيە جۇمىسىن جانە قىزمەتكەرلەردى ىنتالاندىرۋدى كوزدەيتىن جۇيەلى شارالاردى ازىرلەۋ بولىپ تابىلادى.
تۇجىرىمدامانى ىسكە اسىرۋ قۇقىق قورعاۋ ورگاندارىنىڭ كاسىبي رەسۋرستارىن جاقسارتۋعا, قىزمەتتىڭ ءيميدجى مەن بەدەلىن ارتتىرۋعا, جەكە قۇرام اراسىنداعى ءتارتىپ پەن زاڭدىلىقتىڭ جاعدايىن جاقسارتۋعا مۇمكىندىك بەرەدى.
باعدارلامانى ىسكە اسىرۋدى ەكى كەزەڭدە: ءبىرىنشى – 2014-2016 جىلدارى, ەكىنشى – 2017-2020 جىلدارى جۇزەگە اسىرۋ جوسپارلانعان,
بۇل رەتتە قازاقستان رەسپۋبليكاسىنىڭ ۇكىمەتى, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باعدارلامانى ىسكە اسىرۋ بويىنشا ءىس-شارالار جوسپارىن قابىلدايدى.
باعدارلامانىڭ ىسكە اسىرىلۋى «قازاقستان-2050» ستراتەگياسىنىڭ ماقساتتارىنا جانە جالپى قابىلدانعان حالىقارالىق ستاندارتتارعا ساي قۇقىق قورعاۋ جۇيەسىن قالىپتاستىرۋ پروتسەسىن اياقتاۋعا مۇمكىندىك بەرەدى.
قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمى.
