2021 جىلدىڭ ماۋسىمىنان, تامىزدىڭ ورتاسىنا دەيىن 3998 ادام كوروناۆيرۋسقا قارسى ۆاكتسينا العاننان كەيىنگى انتيدەنەلەردى انىقتاۋ ءۇشىن تەست تاپسىردى. تەكسەرىلگەندەر كوروناۆيرۋسقا قارسى 10 ءتۇرلى ۆاكتسينا سالدىرعان, ولاردىڭ ىشىندە ەڭ كوپ سالىنعانى: سپۋتنيك V, Hayat-Vax, CoronaVac, QazVac جانە Pfizer.
زەرتحانالار جەلىسى الىنعان مالىمەتتى ۆاكتسينالاردىڭ تيىمدىلىگىن باعالاۋ ءۇشىن قولدانۋعا بولمايتىنىن, ويتكەنى تولىق كلينيكالىق زەرتتەۋ جۇرگىزىلمەگەنىن ايتتى. بۇل زەرتحانالىق تالداۋ ناتيجەلەرى, پاتسيەنتتەر ۆاكتسينا العاننان كەيىن كوروناۆيرۋسقا انتيدەنەلەر پايدا بولعانىن تەكسەرۋ ءۇشىن تاپسىرادى.
«زەرتتەۋ ناتيجەلەرى بويىنشا كوروناۆيرۋسقا قارسى انتيدەنەلەر «سپۋتنيك V» ۆاكتسيناسىن العانداردىڭ 95 پايىزىندا, Hayat-Vax ۆاكتسيناسىن العانداردىڭ 79 پايىزىندا, CoronaVac يممۋنيزاتسيالانعانداردىڭ 89 پايىزىندا, QazVac ۆاكتسيناسىن العانداردىڭ 90 پايىزىندا, Pfizer ۆاكتسيناسىن العانداردىڭ 100 پايىزىندا انىقتالدى», دەدى كلينيكالىق-دياگنوستيكالىق زەرتحانالاردىڭ باس ديرەكتورى ەرلان سۇلەيمەنوۆ.
سونداي-اق ۆاكتسينادان كەيىنگى انتيدەنەلەر AstraZeneca, Moderna, Johnson & Johnson, Sinopharm (Vero Cell) ۆاكتسينالارىنىڭ 100 پايىزىندا جانە كوۆيۆاك ۆاكتسينالارىنىڭ 75 پايىزىندا بارى بەلگىلى بولدى.
ناۋقاستىڭ قان سارىسۋىندا كوروناۆيرۋستىڭ S اقۋىزىنا انتيدەنەلەردى انىقتاۋ ۆاكتسيناتسيا ناتيجەسىندە يممۋندىق قورعانىس بار ەكەنىن كورسەتەدى. يممۋندىق جاۋاپ تومەندەتىلگەن تۇلعالاردا انتيدەنەلەردىڭ بولماۋى جانە يممۋنيتەتتىڭ جاسۋشالىق بۋىنى ىسكە قوسىلعان جاعدايدا بولۋى مۇمكىن, ونىڭ زەرتحانالىق دياگنوستيكاسى قازاقستاندا ازىرگە جوق.
ۆاكتسينادان كەيىنگى انتيدەنەلەرگە تالداۋدى ۆاكتسينانىڭ ەكىنشى دوزاسىن العاسىن ءۇش اپتادان كەيىن تاپسىرۋ كەرەك.
