سپورت • 17 تامىز، 2021

ورتالىق ازيانىڭ مما جۇلدىزدارى الماتىدا باس قوسادى

47 رەت كورسەتىلدى

ەرتەڭ الماتىدا ارالاس جەكپە-جەكتەن اlash Pride Grand Prix 67 ءتۋرنيرى وتەدى. بۇل دوداعا تەك قازاقستاننىڭ مما سپورتشىلارى عانا ەمەس، الىس-جاقىن شەتەلدەن دە ەڭ مىقتى دەگەن فايتەرلەر كەلەدى، دەپ جازادى Egemen.kz.

ەپيدەمولوگيالىق جاعدايدىڭ كۇردەلىگىنە بايلانىستى ەكى رەت وسى ءتۋرنيردى كەيىنگە شەگەرىلگەن ەدى. تۋرنير العاشىندا 7 تامىزدا وتەدى دەپ جوسپارلانعان بولاتىن. الايدا 2 تامىزدان بەرى الماتى قالاسىندا لوكداۋن جاريالاندى. بۇگىنگى كۇنى دە جاعداي كۇردەلى. سوندىقتان تۋرنيرگە كورەرمەن كىرگىزىلمەيدى. دەگەنمەن بايراقتى باسەكەنى QAZSPORT تەلەارناسى تىكەلەي ەفيردە كورسەتەدى.

اlash Pride پروموۋتەرلىك كلۋبىنىڭ پرەزيدەنتى دانيار قاسقاراۋوۆتىڭ ايتۋىنشا، اlash Pride Grand Prix 67 تۋرنيرىندە رەيتينگتىك جەكپە-جەكتەر ءۇشىن سەگىز بۇرىشقا ماقسات ەسبولاتوۆ، سەرىك تلەكەەۆ، عالىمجان قاناەۆ، باۋىرجان قالمۇرزاەۆ ء(بارى دە – قازاقستان)، بوبى قۇربانوۆ، ازامات نۋفتيللاەۆ، بوبىرجون ابدۋلازيزوۆ، مۋرودجون احمەدوۆ، جانىبەك نوموزوۆ ء(بارى دە – وزبەكستان)، سونداي-اق مەدەربەك نۇرمامات ۇلى (قىرعىزستان) قاتىسادى.

1

ال Grand Prix جۇلدەسىن جەكپە-جەك تۇرلەرى بويىنشا حالاقارالىق ءتۋرنيردىڭ جەڭىمپازدارى ءوزارا ساراپقا سالادى. قازاقستاننان – ەراسىل شۇقاتاەۆ (9-2)، ەرجان شاپاۋوۆ (4-0)، تيمۋر جاپاروۆ (5-2-1)، ەرزات شاشۋباەۆ (دەبيۋت) باق سىناسا، قىرعىزستاننان – قىلىم التىمىش ۇلى (3-0)، ارگەنت ماراتبەك ۇلى (16-9)، بايامان جولدۋبەكوۆ (3-0)، اقىلبەك ىسماناليەۆ (3-0) قاتىسادى. وزبەكستان نامىسىن شۋحرات ورينبوەۆ (4-0)، جاسۋر كاريموۆ (6-3)، لازيزحون ۋزبەكوۆ (دەبيۋت)، يسرويلجون راسۋلوۆ (دەبيۋت) قورعايدى.

ارۋلاردان قازاقستاندىق زامزاگۇل فايزوللانوۆا مەن وزبەكستاندىق كومولدينوۆا اراسىندا جەكپە-جەك وتەدى.

– زامزاگۇل – ءوزىنىڭ مىقتىلىعىن بىرنەشە رەت دالەلدەگەن تاجىريبەلى سپورتشى. ال وزبەكستاندىق قارسىلاسى ءۇشىن بۇل جەكپە-جەك مما-داعى العاشقى جۇدىرىقتاسۋى بولماق. فايزوللانوۆانىڭ شەبەرلىگىنە كۇماندانۋدىڭ قاجەتى جوق. بىراق تاجىريبە مەن جاستىقتىڭ قايسىسى العا شىعاتىنىن ۋاقىت كورسەتەدى. زامزاگۇل ۇزاق ۇزىلىستەن كەيىن سەگىز بۇرىشقا ورالىپ وتىر. سوندىقتان دەبيۋتانتپەن باسەكەدە ءوزىنىڭ جاۋىنگەرلىك دايىندىعى مەن جەڭىسكە دەگەن ۇمتىلىسىن بارىنىشا كورسەتۋ كەرەك بولادى، – دەدى دانيار قاسقاراۋوۆ.

ەستەرىڭىزگە سالساق، ALASH PRIDE – قازاقستانداعى مما بويىنشا ەڭ ءىرى سپورتتىق ۇيىم. وسىعان دەيىن 40-تان استام ءار ءتۇرلى تۋرنير وتكىزگەن.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار