وڭتۇستىك قازاقستان وبلىسىندا ءجاسوسپىرىمدى اتىپ ولتىرگەن 18 جاستاعى قالا تۇرعىنى ۇستالدى. بۇل تۋرالى «24 kz» حابارلادى.
قاندى قاقتىعىس ەكى كوللەدج ستۋدەنتتەرى اراسىنداعى تەكە-تىرەستەن بولعان. ولار اراداعى ەرەگەستى شەشۋ ءۇشىن كەزدەسۋ ورنىن الەۋمەتتىك جەلى ارقىلى بەلگىلەگەن ەكەن. ايتىلعان جەرگە جەتكەن بەس جىگىت كولىكتەن تۇسۋگە جۇرەكسىنىپ, توپقا قارسى شولاق مىلتىقتان ەكى رەت وق اتقان. الايدا, وق نىساناعا الىنعان جىگىتكە ەمەس, ونىڭ قاسىندا تۇرعان دوسى مەن سول ماڭنان ءوتىپ بارا جاتقان ازاماتقا تيگەن.
قىتايدا وقىپ جۇرگەن 16 جاستاعى بوزبالا اۋىر جاراقاتپەن وتا ۇستىندە قازا بولدى. قازىر كۇدىكتىلەرگە قاتىستى قىلمىستىق ءىس قوزعالىپ, تەرگەۋ امالدارى جۇرگىزىلۋدە.
«قىلمىسقا قاتىستى 5 كۇدىكتى ۇستالدى. ايىپتىلار جاساعان ارەكەتتەرىن تولىق مويىنداپ وتىر», - دەيدى شىمكەنت قالاسىنداعى ءال-فارابي اۋداندىق پوليتسيا ءبولىمىنىڭ باسشىسى دانيار مەيىرحان. ءامىرحان الماعانبەتوۆ.
دەرەككوز: «24 kz»
فوتو: Ras.kz.
