ۇيىم باسشىسى تەدروس ادانوم گەبرەيەسۋستىڭ ايتۋىنشا, قازىر بۇل قاراجاتتى تاپپاسا جانە دەلتا شتامىنىڭ تارالۋىن ەكونوميكاسى ءالسىز ەلدەردە توقتاتپاسا, الەمدىك قاۋىمداستىق كەلەسى جىلى شاراسىز «قارجى بولۋگە» ءماجبۇر بولادى دەگەن پىكىردى ۇستانادى.
سومانىڭ ءبىر بولىگى, ناقتىلاساق, 2,4 ميلليارد دوللار - حالقىنىڭ تابىسى تومەن جانە ورتاشا ەلدەردە ۆيرۋستى انىقتاپ, تەستىلەۋدى جاقسارتۋعا جۇمسالماق. مەديتسينا قىزمەتكەرلەرىن قورعانىس قۇرالدارىمەن قامتاماسىز ەتۋ ءۇشىن 1,7 ميلليارد قاجەت, كوروناۆيرۋستىڭ اۋىر تۇرلەرىن ەمدەۋ ءۇشىن اۋرۋحانالاردى وتتەگىمەن قامتاماسىز ەتۋگە تاعى 1,2 ميلليارد جۇمسالادى.
ددسۇ باسشىسى الەم پاندەميانىڭ وتكىر كەزەڭىندە ەكەنىن اتاپ ءوتتى. جاڭا شتامداردان قاۋىپ جوعارى. قازىرگى ۋاقىتتا الەمدە «الفا», «بەتا», «گامما» جانە «دەلتا» شتامدارى باسىم, بىراق باسقا دا قاۋىپتى مۋتاتسيالاردىڭ پايدا بولۋى مۇمكىن. ۇيىمنىڭ بولجامى بويىنشا, ۆيرۋستىڭ تارالۋ قارقىنى قازىرگىدەي بولسا, 2022 جىلدىڭ قاڭتارىندا SARS-CoV-2 جۇقتىرعانداردىڭ سانى 300 ميلليوننان اسۋى مۇمكىن.
