بايان قوڭىرباەۆتىڭ ايتۋىنشا, 2021 جىلى الماتى تسيفرلىق جەتىلۋ رەيتينگىندە 2,7 بالل العان. سالىستىرمالى تۇردە قاراساق, 2017 جىلى بۇل كورسەتكىش 1,7 دەڭگەيىندە بولدى.
«ەگەر 2019 جىلى ءبىز ونىنشى ورىنعا شىقساق, قازىر تمد بويىنشا «اقىلدى» قالالار اراسىندا ماسكەۋدەن كەيىن ەكىنشى ورىندا تۇرمىز, بۇل رەتتە كيەۆتى باسىپ وزدىق», دەپ اتاپ ءوتتى سپيكەر.
بايان قوڭىرباەۆتىڭ پىكىرىنشە, قالا وسىنداي ناتيجەلەرگە تسيفرلاندىرۋدىڭ ماڭىزدىلىعىن ايقىن كورۋدىڭ ارقاسىندا قول جەتكىزدى.
«قازىر تسيفرلاندىرۋدىڭ ماڭىزدىلىعىن جاقسى تۇسىنەمىز. بۇل ونىڭ بۇكىل پروتسەسىن جەتىلدىرۋگە عانا ەمەس, سونىمەن قاتار ءبىزدىڭ تۇرعىندار ءۇشىن قولايلى جاعداي جاساۋعا دەگەن ۇمتىلىستى بىلدىرەدى», دەدى ول.
