اقتوبە وبلىسىنداعى فەررو قورىتپا زاۋىتىنىڭ باسشىلارى قىزمەت بارىسىندا جان تاپسىرعان جۇمىسشى ءولىمىن جاسىرماق بولدى. بۇل تۋرالى Gazeta.kz حابارلادى.
فەررو قورىتپا زاۋىتىندا ءماشينيستىڭ كومەكشىسى بولىپ ىستەگەن سۇلتان ايمۇراتوۆ وسىدان ءبىر اي بۇرىن كەن تيەلگەن قوس ۆاگوننىڭ اراسىندا جانشىلىپ قايتىس بولعان. جالعىز ۇلىن جەر قوينىنا بەرگەن وتباسىنا كاسىپورىننان كەلگەن حابار باستارىنا جاي تۇسىرگەندەي اسەر ەتتى. ءوندىرىس ورنىندا ءولىم قۇشقان سۇلتاندى ونداعىلار «وزىنە قول سالدى» دەپ ءىستى جىلى جاۋىپ تاستاۋعا ارەكەتتەنگەن.
وبلىستىق ەڭبەك ينسپەكتسياسى باسقارماسىنىڭ ءبولىم باستىعى جولمۇرات جۇبانازاروۆتىڭ ايتۋىنشا, اتالعان زاۋىتتا ەڭبەك كودەكسىندە كورسەتىلگەن زاڭ تالابى ساقتالماعان. سوندىقتان جۇمىسشى ولىمىنە زاۋىتتاعى جاۋاپتى تۇلعالاردىڭ تىكەلەي كىناسى بار ەكەنى دالەلدەنىپ, ول بويىنشا تولتىرىلعان قۇجات ىشكى ىستەر دەپارتامەنتىنە جولدانعان.
ءامىرحان الماعانبەتوۆ.
دەرەككوز: Gazeta.kz
فوتو: Inform.kz.
