بۇيرىققا سايكەس, فەدەراتسيانىڭ باس باپكەرى اسيف مامەدوۆ پەن باس حاتشى ريزۆان راسۋلوۆ قىزمەتىنەن بوساتىلدى. باسشىلىقتىڭ بىرنەشە رەت جاساعان ەسكەرتۋىنە قاراماستان, قىزمەتكەرلەر ءوز جۇمىسىن دۇرىس اتقارماعان.
فەدەراتسيا قىزمەتكەرلەرىنىڭ جاۋاپسىزدىق تانىتۋى, انتيدوپينگ ەرەجەلەرىنە باعىنباۋى سالدارىنان حالىقارالىق اۋىر اتلەتيكا فەدەراتسياسى ايتارلىقتاي ايىپپۇل سانكتسياسىن سالعان. تەك سوڭعى كەزەڭنىڭ وزىندە ازەربايجاندىق اۋىر اتلەتتەر التى رەت دوپينگ پايدالانعان.
«قولدانىلعان شارالار وڭ ناتيجە بەرگەن جوق. وسىعان بايلانىستى اۋىر اتلەتيكا فەدەراتسياسىن تولىقتاي قايتا قۇرۋ تۋرالى شەشىم قابىلداندى. بۇل وزگەرىستەر بولاشاقتا جاقسى ناتيجە كورسەتەدى دەپ ۇمىتتەنەمىز», دەدى دجاحانگير اسكەروۆ.
ونىڭ ايتۋىنشا, قىركۇيەكتىڭ سوڭىنا دەيىن فەدەراتسيانىڭ جاڭا باپكەرى مەن باس حاتشى تاعايىندالادى.
