قالا باسشىسىنىڭ سوزىنشە, ساياباق ماڭگىلىك ەل, قابانباي باتىر داڭعىلدارى مەن ساۋران, حۋسەين بەن تالال كوشەلەرىنىڭ بويىندا ورنالاسادى. ساياباقتىڭ ورتالىق اللەياسىندا ۇزىندىعى 300 مەتر سۋبۇرقاق بولادى, ونىڭ ىشىندە شاعىن ارحيتەكتۋرالىق مۇسىندەر, كولەڭكەلى شاتىرلار ورنالاسادى.
«جىلدان جىلعا بۇل اۋماقتى كوگالداندىرامىز. قالادا وزىندىك «جاسىل ارالدار» قۇرۋ وتە ماڭىزدى. سونداي̆-اق, ءوز تاراپىمىزدان ينجەنەرلىك جەلىلەر مەن كوممۋنيكاتسيالاردى تارتۋ جۇمىسىن جۇرگىزەمىز», دەپ جازدى قالا باسشىسى.
التاي كولگىنوۆ سالىنىپ جاتقان مەشىتتىڭ كولەمى تۋرالى دا ايتتى.
«مەشىتكە كەلەر بولساق, بۇل — ەلىمىز بەن ورتالىق ازياداعى ەڭ ۇلكەن مەشىت. نەگىزگى كۇمبەزدىڭ بيىكتىگى شامامەن 90 مەتر, ال مۇنارالار 130 مەتر بيىكتىككە كوتەرىلەدى. مەشىتتىڭ سىي̆ىمدىلىعى — 30 مىڭ ادام. مەشىت ەلباسى نۇرسۇلتان نازارباەۆتىڭ تاپسىرماسى بوي̆ىنشا دەمەۋشىلىك قاراجات ەسەبىنەن سالىنىپ جاتىر», دەدى نۇر-سۇلتان قالاسىنىڭ اكىمى.
