وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, شىمكەنت قالاسىنىڭ تۇرعىنى 50 ادامعا پاتەردى جالعا بەرىپ, 1 ميلليوننان استام تەڭگەنى قالتاسىنا باسقان.
«كۇدىكتى OLح جەلىسى ارقىلى حابارلاندىرۋ جاريالاپ, بىرنەشە قالانىڭ تۇرعىندارىنا ۋادە بەرىپ, الدىن-الا تولەم جاساتقان. كەيىن ەر ادام ءىزىم-قايىم جوعالىپ كەتكەن. الاياققا الدانعانداردىڭ ءبىرى – اتىراۋلىق ايەل پوليتسياعا شاعىم ءتۇسىردى. وبلىستىق پوليتسيا دەپارتامەنتىنىڭ قىزمەتكەرلەرى الاياقتى «Anti-fraud» جەدەل الدىن الۋ ءىس-شاراسى كەزىندە انىقتادى. تەكسەرۋ كەزىندە شىمكەنت قالاسىنىڭ 1989 جىلى تۋعان تۇرعىنىنىڭ 50 ەپيزودتىق قىلمىسى اشىلعان. بۇرىن سوتتى بولعان ەر ادام ءوز كىناسىن مويىندادى» دەپ حابارلادى دەپارتامەنتتىڭ ءباسپاسوز قىزمەتى.
قازىر كۇدىكتىگە قاتىستى قر قىلمىستىق كودەكسىنىڭ 190-بابىنىڭ 2-ءبولىمى, 4-تارماعىمەن سوتقا دەيىنگى تەرگەۋ باستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى.
