Fitch Ratings ساراپشىلارىنىڭ پىكىرىنە سۇيەنسەك, كوروناۆيرۋس پاندەمياسى مەن مۇناي باعاسىنىڭ قۇلدىراۋ كەزىندە ۇلتتىق قورداعى اكتيۆتەر مەن ۇلتتىق بانكتەگى رەزەرۆتەردءىڭ ايتارلىقتاي كولەمى قازاقستان ەكونوميكاسىنا تۇراقتىلىعىن ساقتاۋعا مۇمكىندىك بەردى.
Fitch Ratings 2020 جىلعى ەكونوميكالىق شوكتارعا مەملەكەتتىڭ سىرتقى رەزەرۆتەرىنىڭ تۇراقتى دەڭگەيدە ساقتالۋىن – سىرتقى رەزەرۆتەردى ءتيىمدى ينۆەستيتسيالاۋمەن جانە التىن باعاسىنىڭ جوعارىلاۋىمەن بايلانىستىرادى. Fitch Ratings اگەنتتىگىنىڭ باعالاۋىنشا, قازاقستاننىڭ حالىقارالىق رەزەرۆتەرى ءبىرىنشى جارتىجىلدىقتىڭ قورىتىندىسىنا سايكەس ءجىو-ءنىڭ 47% قۇرادى, بۇل «ۆۆۆ» رەيتينگىسىنە جاتاتىن مەملەكەتتەر توبىنىڭ ورتاشا كورسەتكىشتەرىمەن سالىستىرعاندا الدەقايدا جوعارى.
اگەنتتىك ايىرباستاۋ باعامىنىڭ يكەمدىلىگى 2020 جىلى مۇناي باعاسىنىڭ قۇبىلۋىن باسەڭدەتىپ, حالىقارالىق رەزەرۆتەردى ساقتاپ قالۋعا مۇمكىندىك بەرگەنىن اتاپ ءوتتى. Fitch Ratings ساراپشىلارى 2021 جىلى بەيرەزيدەنتتەر تاراپىنان قر جەرگىلىكتى مەملەكەتتىك وبليگاتسيالارىنا قىزىعۋشىلىق ارتقانىن مالىمدەدى.
كونترتسيكلدىق قاعيداعا نەگىزدەلگەن جاڭا فيسكالدى ەرەجەنى ەنگىزۋ, اگەنتتىكتىڭ پىكىرىنشە, ۇلتتىق قور اكتيۆتەرىنىڭ جيناقتالۋىنا ىقپال ەتىپ, ماكروەكونوميكالىق ساياساتتىڭ تيىمدىلىگىن ارتتىراتىن بولادى.
Fitch Ratings اگەنتتىگىنىڭ اقپاراتىنا سايكەس, مەملەكەتتەگى اعىمداعى ينفلياتسيا ءمانى «ۆۆۆ» رەيتينگىنە يە مەملەكەتتەر اراسىنداعى ورتاشا ماننەن جوعارى. سونىمەن قاتار, اگەنتتىكتىڭ باعالاۋى بويىنشا, قازاقستانداعى ينفلياتسيانىڭ اعىمداعى ۇدەۋى ازىق-ت ۇلىك ونىمدەرى مەن ەنەرگورەسۋرستار باعاسىنىڭ الەمدىك دەڭگەيدە ءوسۋىنە, سونداي-اق ىشكى تۇتىنۋشىلار تاراپىنان سۇرانىستىڭ ارتۋىنا بايلانىستى تۋىنداپ وتىر.
اگەنتتىك ساراپشىلارى تولەم بالانسى اعىمدىق شوتىنىڭ دەفيتسيتى مۇناي باعاسىنىڭ جوعارىلاۋى مەن ورەس+ ەنگىزگەن ءوندىرىسكە قاتىستى شەكتەۋلەردى بوساڭسىتۋعا بايلانىستى 2021 جىلى ءجىو 0,7%-عا دەيءىن تومەندەيدى (2020 جىلى ءجىو - 3,7%) دەپ بولجايدى.
Fitch Ratings بولجامىنا سايكەس, قازاقستان ەكونوميكاسىنىڭ ءوسىمى 2021 جىلى - 3,5%, ال 2022 جىلى – 4%قۇرايتىن بولادى.
