بۇل تۋرالى الەۋمەتتىك-مەديتسينالىق ساقتاندىرۋ قورى شقو بويىنشا فيليالىنىڭ ديرەكتورى عالىمجان ءابىلوۆ ايماقتىق كوممۋنيكاتسيالار قىزمەتىندە وتكەن ءباسپاسوز بريفينگى بارىسىندا ءمالىم ەتتى.
«جىل باسىنان بەرى كوروناۆيرۋسقا قارسى كۇرەسكە تارتىلعان 35 437 مەديتسينا قىزمەتكەرى ۇستەمەاقى الدى. اق حالاتتىلارعا 5,2 ملرد تەڭگەدەن استام ۇستەمەاقى تولەندى. ايتا كەتۋ كەرەك, 1 قازاننان باستاپ ىندەتپەن كۇرەسكە جۇمىلدىرىلعان مەديتسينا قىزمەتكەرلەرىنە ۇستەمەاقى تولەۋدى توقتاتۋ تۋرالى بۇيرىق جوباسى تالقىلانۋ بارىسىندا», دەدى ول.
ونىڭ ايتۋىنشا, ەرەكشە جانە زياندى ەڭبەك جاعدايلارىندا مەديتسينالىق كومەك كورسەتەتىن قىزمەتكەرلەردى قولداۋدىڭ جۇيەلى شارالارىنا كوشۋ ماقساتىندا ۇستەماقىلار مولشەرىن كەزەڭ-كەزەڭىمەن تومەندەتۋ ۇسىنىلعان. «تامىزدان قىركۇيەككە دەيىن ۇستەماقى بەلگىلەنگەن مولشەردەن 50% بەرىلسە, 1 قازاننان باستاپ تولەنبەيدى. بۇل رەتتە, رەانيماتولوگ-انەستەزيولوگتار, ينفەكتسيونيستەر, رەانيماتولوگيا جانە انەستەزيولوگيا بولىمشەلەرىنىڭ انەستەزيستەرى, ەپيدەميولوگتار, پسيحولوگتار جانە مساك الەۋمەتتىك قىزمەتكەرلەرى, يادرولىق مەديتسينا ورتالىعىنىڭ ماماندارى مەن پاتولوگوناتومدارعا ۇستەمەاقى تولەۋ جالعاسادى», دەدى فيليال باسشىسى.
