جىل باسىنان بەرى قالادا 25 مىڭعا جۋىق ادامنان كوروناۆيرۋس ينفەكتسياسى تىركەلىپ, ونىڭ ىشىندە بۇگىنگى كۇنگە دەيىن 16 مىڭنان استام ناۋقاس جازىلىپ شىققان. جالپى ەكپە ناۋقانى باستالعالى قالاداعى 319 مىڭنان اسا تۇرعىن ۆاكتسينانىڭ ەكىنشى كومپونەنتىن قابىلداعان.
ايتا كەتەيىك, سوڭعى اپتادا جەدەل مەديتسينالىق كومەكتى شاقىرتۋ كورسەتكىشى تومەندەگەن. ماسەلەن, ءبىر اپتا بۇرىن جەدەل جاردەم قىزمەتىنە ءبىر كۇندە 2275 شاقىرتۋ تۇسكەن بولسا, بۇگىنگى كۇنى تاۋلىگىنە 2048-ءدى قۇراپ وتىر.
ال, موبيلدىك بريگادالار قىزمەت كورسەتكەن بارلىق پاتسيەنتتەرگە كلينيكالىق حاتتاما مەن الگوريتمگە سايكەس ەمدەۋ تاعايىندالعان. بازيستىك تەراپيا انامنەزىندە 5756 پاتسيەنتتىڭ جاعدايى جاقسارعانى بايقالعان, بۇل امبۋلاتوريالىق باقىلاۋداعى بارلىق پاتسيەنتتەردىڭ 51,7%-ىن قۇرايدى ەكەن.
وتىرىس سوڭىندا جاۋاپتى مامانداردىڭ ۇسىنىس, پىكىرلەرىن تىڭداعان قالا اكىمى كورونوۆيرۋستىق ينفەكتسيانىڭ تارالۋىنا جول بەرمەۋ ماقساتىندا مونيتورينگتىك توپتىڭ جۇمىسىن جانداندىرۋدى سونداي-اق ۆاكتسيناتسيالاۋ جۇمىستارىن جۇيەلى جۇرگىزۋ قاجەتتىلىگى تۋرالى ايتتى.
قازىر ديسپانسەرلىك ناۋقاستار توبىنا جاتاتىن ادامداردىڭ ىشىندە سوزىلمالى اۋرۋى بار ناۋقاستاردىڭ 54% ۆاكتسينا العان. اكىم قالاداعى احۋالدى نازارعا الىپ, ۆاكتسينا الۋعا قارسى مەديتسينالىق كورسەتىلىم بولماعان جاعدايدا سوزىلمالى اۋرۋى بارلاردى دا ۆاكتسينا سالدىرۋعا شاقىرۋدى ايتتى.
