ءتىلسىز جاۋدىڭ تۇتانۋ سالدارىنان قورا-قوپسى مەن 64 توننا ءشوپ جانىپ كەتتى. دەس بەرمەگەن قىزىل جالىن تەك 8 ساعاتتان سوڭ سوندىرىلگەن. وقىس وقيعادان زارداپ شەككەندەر جوق.
سونىمەن قاتار ورال قالاسىنىڭ ىرگەسىندە 120 گەكتار القاپ تا وتقا وراندى. توتەنشە جاعدايلار دەپارتامەنتىنەن ارنايى شتاب قۇرىلىپ, ءورتتى سوندىرۋگە 104 ادام مەن 15 تەحنيكا جۇمىلدىرىلدى. بۇعان قوسا, ورمان شارۋاشىلىعى مەكەمەسى مەن ەرىكتى ءورت ءسوندىرۋ قۇرىلىمدارىنان قوسىمشا كۇش تارتىلعان. كۇنى بويى ۇزدىكسىز جەدەل ارەكەت ناتيجەسىندە قىزىل جالىن تولىق ءوشىرىلدى. قازىر وقىس وقيعالاردىڭ شىعۋ سەبەبى انىقتالىپ جاتىر.
