بارلىق وبلىستار مەن رەسپۋبليكالىق ماڭىزى بار قالالاردا جاستاردىڭ وزەكتى ماسەلەلەرىن تالقىلاپ, شەشۋ جولدارىن ۇسىناتىن ءوڭىر اكىمدەرى جانىنداعى كەڭەس وتىرىستارى, «قايىرىمدى ىستەر مارافونى» جالپىۇلتتىق جوباسى اياسىندا قايىرىمدىلىق ءىس-شارالارى جانە ۆولونتەرلەردىڭ قاتىسۋىمەن ەكولوگيالىق اكتسيالار ۇيىمداستىرىلدى.
حالىقارالىق جاستار كۇنى ءىس-شارالارىنىڭ ماڭىزدى بولىگى جوو جانە تجكب ۇيىمدارىنىڭ تۇلەكتەرىن, NEET ساناتىنداعى جاستاردى جانە ت.ب. جۇمىسقا ورنالاستىرۋعا جاردەمدەسۋ ماقساتىندا ۆاكانسيا جارمەڭكەلەرى ۇيىمداستىرىلدى.
ەلىمىزدىڭ بارلىق وڭىرلەرىندەگى ءىس-شارالاردىڭ جاس قاتىسۋشىلارى مەملەكەتتىك قولداۋ شارالارى بويىنشا ونلاين-كونسۋلتاتسيالار الدى, سونداي-اق موتيۆاتسيالىق جانە قۇقىقتىق داعدىلاردى, كاسىپكەرلىك جانە تسيفرلى قۇزىرەتتەردى دامىتۋ بويىنشا ۆەبينارلارعا قاتىستى.
بۇدان باسقا الەۋمەتتىك جەلىلەردە ەكولوگيالىق جانە قايى-
رىمدىلىق ءىس-شارالار, اعارتۋشىلىق «چەللەندجدەر» ۇيىمداستىرىلدى.
ايتا كەتەيىك, حالىقارالىق جاستار كۇنى – 12 تامىزدا اتاپ وتىلەتىن جىل سايىنعى مەرەكە. بۇل 2000 جىلدان, ياعني 1999 جىلى بۇۇ باس اسسامبلەياسى 12 تامىزدى حالىقارالىق جاستار كۇنى دەپ جاريالاۋ تۋرالى جاستار مينيسترلەرىنىڭ دۇنيەجۇزىلىك كونفەرەنتسياسىنىڭ ۇسىنىسىن قولداعاننان باستاپ اتاپ وتىلۋدە.
«ەگەمەن-اقپارات»
