مەملەكەت باسشىسىنىڭ تاپسىرماسىنا سايكەس سپورت سالاسى ودان ءارى رەفورمالاۋدى تالاپ ەتەدى. وسىعان بايلانىستى پرەمەر-ءمينيستردىڭ ورىنباسارى مەملەكەتتىك ورگانداردىڭ الدىنا بىرقاتار ماڭىزدى مىندەت قويدى:
• بۇقارالىق جانە بالالار سپورتىمەن اينالىسۋدىڭ قولجەتىمدىلىگىن ارتتىرۋ.
بيىل حالىقتىڭ سپورتپەن شۇعىلدانۋىن كەمىندە 35% ناتيجەگە جەتكىزە وتىرىپ (بۇگىنگى كۇنى – 31,6%), نىسانالى كورسەتكىشتەردى قايتا قاراۋ تاپسىرىلدى.
ول ءۇشىن اكىمدىكتەرگە مەملەكەتتىك سپورتتىق تاپسىرىس كولەمىن ۇلعايتۋ, قوسىمشا بالالار, جاسوسپىرىمدەر كلۋبتارىن, بالالار-جەتكىنشەكتەر سپورت كلۋبتارىن اشۋ, مەكتەپ جانە ستۋدەنتتەر سپورت ليگالارىنىڭ جۇمىسىن قايتا باستاۋ ەسەبىنەن بالالارعا ارنالعان تەگىن سپورت سەكتسيالارىن كەڭەيتۋ تاپسىرىلدى.
سونداي-اق قوستاناي, اتىراۋ جانە ماڭعىستاۋ وبلىستارىندا سپورت مەكتەپ-ينتەرناتتارىنىڭ بولماۋىنا بايلانىستى وسى وڭىرلەردىڭ اكىمدىكتەرىنە ولاردىڭ قۇرىلىسىن باستاۋ ماسەلەسىن شەشۋ تاپسىرىلدى.
• سپورت وبەكتىلەرىن ماتەريالدىق-تەحنيكالىق جاراقتاندىرۋ دەڭگەيىن ارتتىرۋ.
وسى جىلدىڭ سوڭىنا دەيىن اكىمدىكتەرگە 43 دەنە شىنىقتىرۋ-ساۋىقتىرۋ كەشەنىنىڭ قۇرىلىسىن اياقتاۋ, Work-out الاڭدارى مەن باسقا دا شىعىنسىز سپورت عيماراتتارىنىڭ جەلىسىن كەڭەيتۋ تاپسىرىلدى.
سپورت نىساندارىنىڭ تولىق جۇكتەلۋىنە ەرەكشە
نازار اۋدارۋ تاپسىرىلدى.
• Nur Otan پارتياسىنىڭ مامانداندىرىلعان سپورت مەكتەپتەرى وقىتۋشىلارىنىڭ جالاقىسىن 2023 جىلعا دەيىن ەكى ەسە ارتتىرۋ, 2025 جىلعا دەيىن ءاربىر اۋىلدىق وكرۋگتى سپورت نۇسقاۋشىسىمەن قامتاماسىز ەتۋ جونىندەگى جول كارتاسى ءىس-شارالارىنىڭ ورىندالۋىن ەرەكشە باقىلاۋعا الۋ.
• ۇزدىك حالىقارالىق تاجىريبەنى ەسكەرە وتىرىپ, كاسىبي سپورتشىلاردى, ونىڭ ىشىندە ۇلتتىق قۇراما كوماندالارىن دايارلاۋ تاسىلدەرىن قايتا قاراۋ جانە بۇقارالىق, كاسىبي سپورت ءۇشىن سپورت ماماندارىنىڭ (سپورت پسيحولوگتەرى, بيومەحانيكتەر, بيوحيميكتەر, ديەتولوگتەر جانە ت.ب.) تاپشىلىعى ماسەلەسىن شەشۋ بويىنشا ارنايى باعدارلاما ازىرلەۋ تاپسىرىلدى.
• سپورتقا باعىتتالاتىن بيۋدجەتتىك جانە بيۋدجەتتەن تىس قاراجاتتىڭ ءتيىمدى جۇمسالۋىنا قاتاڭ باقىلاۋدى قامتاماسىز ەتۋ.
• سالا الدىندا تۇرعان جاڭا مىندەتتەردى ەسكەرە وتىرىپ, 2025 جىلعا دەيىنگى دەنە شىنىقتىرۋ مەن بۇقارالىق سپورتتى دامىتۋ جونىندەگى قابىلدانعان كەشەندى جوسپاردى قايتا قاراۋ.
• مادەنيەت جانە سپورت مينيسترلىگىنىڭ ەلدە بۇقارالىق جانە بالالار سپورتىن دامىتۋ بولىگىندەگى وكىلەتتىكتەرىن كەڭەيتەتىن زاڭنامالىق تۇزەتۋلەردى قابىلداۋدى قامتاماسىز ەتۋ.
بۇقارالىق جانە بالالار سپورتىن دامىتۋ جايى ۇكىمەتتىڭ ەرەكشە باقىلاۋىندا بولادى.
