فوتو: الەكساندر كۋپريەنكو
«ەلوردادا سپورتتىق كلاستەر جاقسى دامىعان. جىل سايىن حالىقارالىق ستاندارتتارعا ساي جاڭا سپورت عيماراتتارىن اشىپ جاتىرمىز. قالادا 1 ملن 200 مىڭ ادام تۇرادى, ولاردىڭ ۇشتەن ءبىرى – جاستار. مەملەكەت باسشىسىنىڭ تاپسىرماسىنا سايكەس بۇقارالىق سپورتتى دامىتۋ ماڭىزدى.
باستى مىندەتىمىز — سپورت نىساندارىنىڭ ءبارىن قالا تۇرعىندارىنا قولجەتىمدى ەتۋ.
ءبىرىنشى. ەلوردا جاستارى باعدارلاماسىن قابىلدادىق. بۇل باعدارلاما تۇرعىن ءۇي, ءبىلىم الۋ, جۇمىسقا ورنالاسۋ جانە بوس ۋاقىتتى ءتيىمدى وتكىزۋ سياقتى ماسەلەلەردى شەشۋگە سەپتىگىن تيگىزەدى. وعان تاعى دا ءبىر باعىت قوسىلادى. ول – بۇقارالىق سپورتتى دامىتۋ باعىتى.
مىسالى, وتكەن جىلى جەڭىل اتلەتيكالىق سپورت كەشەنىن اشتىق, قازىر وندا جەڭىل اتلەتيكانىڭ 7 ءتۇرى بويىنشا كاسىبي سپورتشىلار عانا اينالىسا الادى.
ەلوردا تۇرعىندارىن كوبىرەك قامتۋ ماقساتىندا قىركۇيەك ايىنان باستاپ وعان تىلەك بىلدىرۋشىلەردىڭ ءبارى بارا الادى. ياعني جەڭىل اتلەتيكامەن تىلەك بىلدىرۋشىلەردىڭ ءبارى اينالىسپاق. جەڭىل اتلەتيكا كەشەنىنە كۇنىنە 750 ادام, ال ايىنا 20 مىڭنان استام ادام بارا الادى.
ەكىنشى. ءبىزدىڭ باستى مىندەتىمىز —بالالار مەن جاسوسپىرىمدەر سپورتىن قولداۋ. قازىر قالادا 8 مىڭنان استام بالانى قامتيتىن 11 بالالار مەن جاسوسپىرىمدەر سپورت مەكتەبى جۇمىس ىستەيدى.
قوسىمشا قارجىلاندىرۋ باعىتى ەسەبىنەن بالالار سانىن 50%-عا ارتتىرۋدى جوسپارلاپ وتىرمىز. سونداي-اق قوسىمشا جاتتىقتىرۋشىلاردى جۇمىسقا الامىز. جاستار بۇقارالىق سپورتتىڭ قاي ءتۇرى بويىنشا جانە قايدا شۇعىلدانا الاتىنى تۋرالى ستەندتەر بولادى.
سونداي-اق, بالالار مەن جاسوسپىرىمدەر مەكتەپتەرىنىڭ قۇرامىندا ەرەكشە قاجەتتىلىگى بار بالالاردىڭ سپورتپەن اينالىسۋىنا باعىتتالعان جەكە باعىت بار ەكەنىن اتاپ وتكەن ءجون. ينكليۋزيا جەلىسى بويىنشا 17 سپورتتىق ءپان بار.
ءۇشىنشى. جۇيەلى دەڭگەيدە اۋلا كلۋبتارىنىڭ سانىن كوبەيتۋدى جالعاستىرامىز. قازىر ولاردىڭ سانى 30-دان كوپ, ءبىرىنشى كەزەڭدە سانىن 50-گە دەيىن كوبەيتەمىز. بۇل ەكى ەسە كوپ بالانى قامتۋعا مۇمكىندىك بەرەدى.
ءتورتىنشى. سونىمەن قاتار, قالانىڭ ءتورت ەلدى مەكەنىندە (كوكتال, ءوندىرىس, ۇركەر (يلينكا) جانە تەمىرجولشىلار) جالپىعا قولجەتىمدى دەنە شىنىقتىرۋ-ساۋىقتىرۋ كەشەندەرىن, سونداي-اق ازيا ەلدەرىندە تانىمال ۇستەل تەننيسى ورتالىعىن سالىپ جاتىرمىز.
كوكتالدا دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى. بۇل سپورت كەشەندەرىندە قالا تۇرعىندارى ءارتۇرلى سپورت تۇرلەرىمەن تەگىن اينالىسىپ, دەنساۋلىعىن نىعايتا الادى.
بەسىنشى. «نۇر-سۇلتان – جايلى قالا» ماستەر-جوسپارى اياسىندا سوڭعى ەكى جىلدا اباتتاندىرىلعان اۋلالار مەن قوعامدىق كەڭىستىكتەر سانى (ساياباقتار, گۇلزارلار, جەلەكجولدار) 400-ءدى قۇرايدى.
بۇل قوعامدىق ورىندار سپورتتىق ينفراقۇرىلىمدى قامتيدى: فۋتبول, ۆولەيبول, باسكەتبول, ستريت-ۆوركاۋت, ۆەلوجول جانە ت.ب.
وسىلايشا, پرەزيدەنتتىڭ تاپسىرماسى بويىنشا سپورتتىق ينفراقۇرىلىمدى كاسىبي كلۋبتارعا ەمەس, بۇقارالىق سپورت تۇرلەرىنە بارىنشا قولداۋ كورسەتۋگە باسا نازار اۋدارا وتىرىپ دامىتامىز.
بۇقارالىق سپورتقا باۋلۋ قالا تۇرعىندارىنىڭ دەنساۋلىعىنا وڭ اسەر ەتەدى», دەپ جازدى ەلوردا اكىمى.
